الباستا فلورا سلسلة وصفات الحلويات لفرح 8

المقادير

• كاستين ونص طحين
• 0.5 كاسة طحين إضافي منخل
• ملعقة ونص صغيرة بايكينغ باودر
• رشة ملح
• رشة كربونات الصودا
• حبتين بيض كبار بدرجة حرارة الغرفة
• ملعقة كبيرة فانيلا سائلة
• برش برتقال او ليمون
• 200 غم زبدة بحرارة الغرفة
• كاسة سكر ناعم منخل
• للحشوة:
• مربى فراولة او مشمش

الخطوات

ينخل كاستين ونص طحين مع رشة ملح وبايكينغ باودر وكربونات الصودا ويضاف برش البرتقال

تخفق الزبدة والسكر يضاف البيض مع الفانيلا يضاف الطحين بالتدريج

في حال احتجتي كمان بتضفي النص كاسة بالتدريج

(بتكون عجينة طرية ومتماسكة كترة العجن بتخليها يابسة)

تفرد تلات أرباع الكمية بقالب مدهون بالزيت و مرشوش بالطحين

يدهن بالمربى (في حال كان كتير جامد وصعب فرده بنضاف نص ملعقة صغيرة ماء ساخن)

تزين بباقي العجينة

تدخل لفرن محمى من قبل ربع ساعة درجة 180 من الوسط بدها ٣٠ لا ٤٠ دقيقة حسب حرارة فرنك بعد هيك بتضوي الشواية لتتحمر

بالهنا والشفا يارب