كيكة الشوكولاته بحشوة النوتيلا ومغلفة باصابع الشوكولاته

المقادير

• مقادير الكيك:
• كوب وتلات ارباع الكوب طحين
• كوب ونص سكر
• ملعقة صغيرة بيكربونات الصوديوم
• نص ملعقة صغيرة بيكنج باودر
• نص ملعقة صغيرة ملح
• ربع معلقة صغيرة قرفة
• كوب ونص لبن زبادي
• كوب زيت
• نص كوب كاكاو
• بيضتين
• ملعقة صغيرة فانيلا
• برش ليمون او برتقال
• شوكولا خام للزينة
• سبرينكلز شوكولاته للزينة
• كوب كريما بودرة مخلوط بكوب حليب سائل
• نوتيلا للحشوة

الخطوات

اول شي عملت الكيكة بالطريقة المعتادة بس هون انا عملت كيكتين فوق بعض لانها كانت طلبية وهيك كان الطلب

بعدين بس استوو الكيكات وبردو جبت الكيكة الاولى وحطيت عليها نوتيلا وبعدين حطيت فوقها الكيكة التانية والكيكة كلها غلفتها بكريما

بعدين الشوكولا الخام جبتها وسيحتها بحمام مائي وجبت قوالب لصب الشوكولا وصبيت فيها الشوكولا لاعطاني متل الشكل اللي مبين بالصور وحطيتهم حولين الكيكة وبعدين جبت السبرينكلز وحطيته عالوجه.

ملاحظة : بالنسبة للون الذهبي اللي موجود ع اصابع الشوكولا فانا حطيت عالقوالب ملون غذائي دهبي قبل ما اصب الشوكولا ليعطيني هدا اللون