فطائر ولا أسرع ولا أروع سلسلة وصفات سهلة ولذيذة 2
فطائر ولا أسرع ولا أروع سلسلة وصفات سهلة ولذيذة 2
فطائر ولا أسرع ولا أروع سلسلة وصفات سهلة ولذيذة 2
المقادير
- للحشوة:
- نصف كيلو دجاج صدورة مقطع مكعبات صغير
- حبة بطاطا متوسطة الحجم مقطعة مكعبات صغيرة
- حبة فليفلة خضرة مقطعة مكعبات صغيرة
- جزرة مبروشة ناعم
- خليط من الزبدة والزيت
- ملعقة صغيرة دبس بندورة
- ربع ملعقة دبس فليفلة
- قليل من القشقوان
- بهارات:
- ملعقة صغيرة بهار دجاج
- ربع ملعقة هيل
- ربع ملعقة قرفة
- ربع ملعقة بابريكا
- ربع ملعقة فلفل اسود
- الملح حسب الرغبة
- لندهن شوي بين طبقات الخبز خليط متساوي بين:
- الحليب
- الزيت
- لدهن الوش
- صفار بيضة
- شوية سمسم
الخطوات
☆بسم الله الرحمن الرحيم☆
أول شي منعمل الحشوة
منحط الزيت والزبدة ومنحط دبس الفليفلة ودبس البندورة ومنحمسهم شوي وهالخطوة رح تعطي طعمة بتشهي وبعدين منضيف قطع الجاج
منقلبو ليصير أبيض بعدين منضيف البطاطا والبهارات
منغطيهم لتقرب تستوي البطاطا منضيف الفليفلة وبرش الجزر
هلا منجي للفطيرات الحلوين
بفنجان واسع او زبدية صغيرة منحط خبز الشراك ومندهن بخليط الحليب والزبدة او الزيت بين الطبقات
انتو بتسمكو او بترققو حسب مابتحبو بس بالنسبة الي حطيت حوالي 3 طبقات
الدهن بين الطبقات رح يخليها تطلع على شكل رقائق رائعة
لا معجنة ولا يابسة مقرمشة كتير
كونو هالمرة رح ندهنها بالحليب مع الزيت مو بس زيت او زبدة لحالهم..
وبعدين منحط تحت قشقوان بعدين خليط الحشوة ومنسكرها منيح
ومندهنها بصفار البيض مع ملعقة حليب ومنرش عليها سمسم
ومندخلها على درجة حرارة 200 لحتى تتحمر
وصحة والف هنا يا امورات
بحبكم قد الدنيااااااا كلكم
