خبز التميس وحامل معه ريحة رمضان سلسلة وصفات التوفير 5
خبز التميس وحامل معه ريحة رمضان سلسلة وصفات التوفير 5
خبز التميس وحامل معه ريحة رمضان سلسلة وصفات التوفير 5
المقادير
- 5 كاسات طحين ابيض
- 5 ملاعق حليب بودرة
- نصف كوب زيت زيتون
- نصف كوب لبن رائب
- م.ك خميرة
- م.ك ممسوحة ملح
- 2 م.ك سكر
- ماء للعجن تقريبا كاستين
- لبن رائب وحبة البركة للوجه
الخطوات
خبز التميس
السلام عليكم ورحمة الله وبركاته
اللهم بلغنا رمضان، مين مابحب خبز التميس مع سحور رمضان وصحن القمردين ، اليوم رح اقدملكم طريقة هالخبز الرائع وطبعا صنعه بالبيت اوفر بمرتين عالأقل من شراؤه جاهز وليش نشتريه مادام بنقدر نعمله.
وان شاء الله تعجبكم.
أولاً/ العجين
بنخلط كل المكونات بكل بساطة وبنقلبهم مع بعض وبنضيف المي بالتدريج لحتى تصير عنا عجينة طرية وناعمة . بنقطعها لأربع قطع وبنخليها تتخمر وهي مقطعه اول تخمير.
ثانياً/ الفرد وتخمير المرة الثانية
بعد ماتخمر اول مرة بتفرد الارغفة بسماكة 1 سم وبنبلل اصابعنا مي وبنروح وبنيجي عالعجينة بطريقة التقريص وبنثقبها باصابعنا.
وبعدين بندهن وجه الارغفة باللبن الرائب وبنرشها بحبة البركة او السمسم وبنخليها تتخمر للمرة الثانية نصف ساعه وهيه مغطاه.
ثالثاً/الخبز
بندخل الارغفة على فرن محمي مسبقا على اعلى درجة حرارة وبنراقبه بده عشر دقايق تقريبا وبس يشقر من تحت بنحطه عالشوايه يتحمر طبعا اللبن رح يخلي تحميره خرافي بس انتبهي بسرعة بنحرق.
وقدميه ساخن مع كاسة شاي وجبه بتحكي عن حالها حتى بدون تغميس بطلع زاكي. وصحة وهنا
ملاحظة التوفير/
خبز التميس وبنسميه كمان خبز رمضان بينباع بالرغيف والرغيف اغلى من نص كيلو خبز فبما انه مابده مواد ليش مانعمله بالبيت بتكلفة بسيطة.
