اصابع البطاطا الهنديه المقرمشه سلسلة اقتصادي وسريع 4
اصابع البطاطا الهنديه المقرمشه سلسلة اقتصادي وسريع 4
اصابع البطاطا الهنديه المقرمشه سلسلةاقتصادي وسريع4
المقادير
- خمس حبت بطاطا مسلوقه
- خمس معالق سميد ناعم
- خمس معالق ماء لكل معلقة سميد معلقة مي
- معلقة زيت نباتي
- بقدونس مفروم
- معلقة ملح
- معلقه زغيره كمون
- معلقه زغيره كزبره ناشفة
- معلقة زغيره بابريكا حاره او حلوه حسب الرغبه
- زيت للقلي طحين
الخطوات
بسم الله نبدأ
اللهم صل وسلم وبارك على سيدنا محمد وعلى اله واصحابه اجمتين
اخواتي يسعد اوقاتكم اليوم وصفتنا سهله وبسيطه لكن بها شوية رقه اثناء العمل والقلي
بنسلق خمس حبات من البطاطا وبهرسهم بالشوكه وهم سخنين لانه هرسهم بكون اسهل وبضيف الملح والببريكا والكمون والكزبره والبقدونس وبتركهم على جنب وفي مقلا على النار خمس معالق مي مع معلقة الزيت ولمايقربوا يغلو بضيف السميد وبحركه مزبوط ولما بتماسك بضيفه للخليط بعجن الخليط مزبوط مع السميد حتى تتجانس كل المواد وهيك بتكون العجينه جاهزه بتركها بالثلاجه لمدة نص ساعه وبعدين بعملها على شكل اصابع رقيقه عرض الاصبع برجعها للفريزر لمدةنص ساعه وبطلعها وبحمي الزيت مزبوط وبلفها بالطحين بحذر وبنزلها على الزيت الساخن شوي شوي وما بحركها من البدايه بس تتماسك بحركها بحذر حتى ما تفرط وبرشها بالزيت الحار من الاعلى اثناء القلي حتى يعطيها قرمشه وبطلعها على منادل الورق حتى نتخلص من الزيوت العالقه بها وبقدمها مع المايونيز والف صحه وهنا
ان شاء الله تنال اعجابكم هاي الاكله حاره اخوانا الهنود الله يهديهم للاسلام جميعا بحبوها حره بس انا ما كثرت الحار لاني عملتها للاطفال
هدانا الله جميعا لما يحب ويرضى
استودعتكم لله الذي لا تضيع ودائعه
