كلاج شغل البيت
كلاج شغل البيت
المقادير
- ٣ كاسات طحين
- نص كاسة زيت ذرة
- رشة ملح
- ملعقة صغيرة بيكنج باودر
- ماء دافي للعجين
- الحشوة:
- جبنة بيضة طرية وحلوة
- جوز عين الجمل
- قرفة
- للزينة:
- فستق حلبي مطحونالقطر:
- كاستين سكر
- كاسة ماء
- ملعقة ماء ورد صغيرة
- قطرات من عصير الليمون
الخطوات
بتعجني الطحين والزيت والبيكنج باودر ورشة الملح بالماء الدافي وبتتركي العجينة ربع ساعة ترتاح وبتقطعي العجينة لسبع كرات متساوية ،اكيد رح تسألي ليش سبعة .انا بقولك،
نحن بدنا 8 راقات ولما نرق كل كرة لوحدها ونفردها بالصينية رح نقص الحواف الزايدة ومن كل كرة رح نقص الحواف واللي بنجمعهم من القص بنعمل منهم الراقة الثامنة ولا تنسي بترقي الكرات مع رشة طحين كل ماترقي حتى تفرد العجينة معك ،،وهيك بنحط 4راقات بالصينية ورح ندهن كل راقة بالسمنة وبنحط بالصينية نص جبنة ونص جوز عين الجمل وقرفة وبنحط فوقهم كمان 4 راقات عجين وبندهن سمنة بالفرشاية بين الطبقات وبنقطعها لمربعات وبرضو بندهنها بالسمنة وبنخبزها بالفرن على حررة 200 وبنحمرها تحت الشواية وبنشربها بالقطر وبنزينها بالفستق الحلبي
القطر
كاستين سكر
كاسة ماء
ملعقة ماء ورد صغيرة
قطرات من عصير الليمون
وصحة وعوافي
#كلاج ام نضال
