دجاج بارميزان سلسلة وصفات سهلة وسريعة لفرح 18

المقادير

• باكيت باستا بنة او اسباغتي مسلوق
• كيلو صدور دجاج متبلة من قبل ليلة
• تتبيلة الدجاج:
• رشة أعشاب إيطالية
• رشة فلفل اسود
• ملعقتين كبار خل أبيض
• ملعقتين كبار زيت زيتون
• رشة توم و بصل باودر و بابريكا حلوة
• مكونات اخرى:
• 0.5 كاسة طحين
• رشة بيكنغ باودر
• ملعقة كبيرة نشا
• 0.5 كاسة قرشلة
• 3 حبات بيض
• 0.5 كاسة جبنة بارميزان
• 0.75 الكاسة جبنة موزاريلا أو قشقوان
• 0.5 كاسة جبنة بارميزان
• رشة ملح و فلفل اسود
• زيت غزير للقلي
• للصلصة:
• 8 حبات كبيرة بندورة
• 3 ملاعق كبار صلصة البندورة ممكن تحتاجي اكتر بشوية حسب النوعية
• ملعقة كبيرة كاتشب
• 0.25 ملعقة صغيرة خل أبيض
• 0.25 ملعقة صغيرة سكر
• مكعب مرق الدجاج
• بصلة صغيرة مفرومة ناعم
• خمس سنان تومة مهروسة
• رشة أعشاب إيطالية

الخطوات

تقطع صدور الدجاج من النص و تدق ويوضع لها رشة ملح و فلفل اسود و توم باودر و بصل باودر و بابريكا حلوة و خل و زيت زيتون

يخفق البيض مع رشة ملح و فلفل اسود

تخلط القرشلة مع جبنة بارميزان

يخلط الطحين مع النشا و البيكنغ باودر

تنزل صدور الدجاج بالبيض ثم بالطحين ثم بالبيض ثم بالقرشلة

تقلى بزيت حامي غزير

للصلصة

توضع البندورة و صلصة البندورة و الكاتشب و البصلة و تلات سنان تومة و ورشة سكر بالخلاط

يوضع ملعقة كبيرة زيت زيتون مع ملعقتين كبار زيت ذرة و وسنين تومة مهروسة لتفوح ريحتها

تضاف صلصة البندورة مع مكعب مرق الدجاج و تترك لتتسبك

يضاف رشة أعشاب ايطالية و ملح و فلفل اسود

تقسم الصلصة تلات أرباع الكمية تخلط مع الباستا وتوضع بجاط حراري

تصف قطع الدجاج و يضاف باقي الصلصة مع بارميزان و موزاريلا

تدخل الفرن على الشواية لتسيح الجبنة و توخد لون

بالهنا والشفا يارب