كيكه محشيه تفاح وقرفه ورولات مسخن
كيكه محشيه تفاح وقرفه ورولات مسخن
المقادير
- اول شي انا عملت مقدارين لانه عملت صينيه كبيييره انتو اذا بتحبو اعملو عيار واحد:
- ٨ بيضات لانه عيارين عملت العيار الواحد بدو ٤ بيضات
- ٤ كاسات طحين كبار
- كاستين زيت كبار
- كاستين حليب بودره
- ٣ كاسات مي
- ملعقتين فانيلا كبار
- ٣ملاعق باكينغ باودر و كاستين سكر
- ٥ ملاعق كبار قرفه بودره
- ٤ تفاحات مقشرين ومقطعين قطع صغيره رقيقه ومسلوقين ١٠ دقايق ومصفايين من المي
- فنجان قطر
الخطوات
بتخفقي البيض مع الفانيلا والسكر لحد ما يصير كريمي على بياض بعدين بتضيفي كاستين الزيت وكاستين حليب البودره وتخفقي بعدها بتخلطي الطحين مع الباكينغ باودر وبتبلشي تحطي طحين ومي بالتدريج مع الخفق لحد ما تخلصي الكميه
بتحطي نص الخليط بالصينيه بعدين بتحطي التفاح وبترشي فوقو القرفه وبتحطي باقي خليط الكيك عمهل عشان تغطي القرفه وبتخبزيها على فون محمى مسبقا على درجه حراره 170 بس تتحمر بتوزعي فنجان قطر عالوجه عشان اللمعه وصحتييين
طبعا انا عملتها هاي الكيكه وطلعت رووووعه متل ما شاييفين بالصور بس ما صحلي اصور القطع لانه بعد ما خلصتها وقعت من ايدي هههههه وتفرتكت يلا نصيب المهم طعمها رائع وصحتين
رولات المسخن طبعا المقادير حسب الكميه انا لما عملت عملنا كميه كبييييره ووزعنا الاكل عشان العدد كبير
دجاج مسلوق مع مطيبات وبصل وملح وماجي وبهار مشكل وبس يستوي بتفسخي الجاج عن العظم
البصل مفروم خشن نوعا ما كميه كبيره بدك بتحوسيه مع كميه وفيره من الزيت الزيتون لحد ما يستوي وبتحطيلو كميه وفيره من السماق وبتخلطي مع الدجاج المفسخ وبتزيدي سماق وبتعايري الملح وبتبلشي تحشي بخبز الشراك طبعا احنا هون حاشيين كل رغيف سندويشه كبيره ما قسمنا الرغيف لانه عملنا كميه كبيره بيزبطش معنا صغير هههههه بعد ما تحشي بتصفيهم بصينيه فيها كميه زيت زيتون منيحه وبتدهني وجههم زيت زيتون ورشه سماق وتحمري بالفرن وصحتين وهنا
بتقدم معها التبوله والمتبل والخيار ولبن
