طريقة البرياني بالدجاج والطعم خطييير سلسة وصفاتي المشكله 4
طريقة البرياني بالدجاج والطعم خطييير سلسة وصفاتي المشكله 4
طريقة البرياني بالدجاج والطعم خطييير سلسة وصفاتي المشكله 4
المقادير
- دجاج
- لتتبيلته:
- راس بصل
- نص راس ثوم
- حبتين بندوره
- معلقة صلصة بندوره
- ثلاث معالق لبن رايب
- خل
- زيت زيتون
- ملح
- فلفل اسود
- بهارات عبيدو
- كاري
- بهارات دجاح
- عصرة ليمون
- كيلو أرز بسمتي
- لطبخ الارز :
- زيت قلي
- راس بصل مفروم
- نص راس ثوم مفروم
- فلفل حار او حلو مفروم
- حبتين بندوره مفرومه
- ثلاث معالق لبن رايب
- ملح
- فلفل اسود
- بهارات برياني
- كاري
- كركم
- بهارات دجاج
- هيل مطحون
- بكتين ماجي او مرقة دجاج اذا انوجد
- وثلاث معالق من تتبيلة الدجاج شلتهم قبل تتبيل الدجاج
- للتزين :
- لوز مقلي
- زبيب مقلي للي بحب اضافته
الخطوات
يسعد مسااكم وأوقاتكم …
ما في غنى عن الاكلات الخليجيه كاافة …اليوم راح اقدملكم طريقة البرياني والطعم خطيررر في سلسة وصفاتي المشكله
ويلااا مع شرح الطريقه….
& اول شي بنبلش بالدجاج من بعد ما يكون عندي منظف طبعا …الك الخيار تنقعي الدجاج بتتبيلته من قبل بيوم او قبل بساعات …وتتبيلته هي البصل وثوم وبندوره وفلفل حار ام حلو ومعلقة صلصة بندوره وتلات معالق لبن رايب وخل وعصرة ليمون وزيت وملح وفلفل والبهارات يلي بتحبيها انا استخدمت كاري وبهارات دجاج وبهارات عبيدو
…بضربهم كلهم سوا عالخلاط او عالمحضرة الطعام ..وبنقع الدجاج فيها وسبق وحكيت الوقت يلي بتحبي الدجاج يضل فيها بالتتبيله واذا ما كان في وقت للنقع عادي بنفس الوقت بتبليه وبدخليه عالفرن
& وبعد ما يتم نقعه …اما بتضعيه بكيس الشوي او بالصينيه ..انا هالمره استخدمت الصينيه وضعت الدجاج فيها ووضعت معه شرحات ليمون وبصل وبندوره قطع كبيره وشوية مي بسيطه وبالقصدير وعالفرن اول نص ساعه عالنار عاليه وبعدين بوطي تحته النار للوسط وبخليه يستوي عال راحته ..ولما يستوي ما بخليه ينشف تماما بخلي شوي من الصوص تاعه لانه لذيذ لما توزعيه فوق الارز…وبحمره عالشوايه
& وهلا طريقة الارز …بكون ناقعه ارز بسمتي ..
بقلي راس بصل بنفس الطنجره يلي راح اطبخ فيها الارز
ومن ثم بضيفله الثوم المهروس او المفروم والفلفل الحار اذا بتحبوه حار الكم الخيار …ومن ثم بضيف جميع بهاراتي ملح فلفل اسود كاري بهارات دجاج كركم بهارات برياني وبكيتين ماجي وهيل مطحون وثلاث معالق لبن رايب وانا خليت من تتبيلة الدجاج شوي وضفتهم للتقلايه طعمها رائع مع الارز وقليتهم كلهم سواا..وبهالوقت ريحة تقلاية البهارات رهيييبه
وبعد ما يتقلو مزبوط ..بضيفلهم البندوره المفرومه وبقلبهم وبعد هيك بصفي الارز وبضيفه عليهم وبقلبهم سوا وبضيفلهم مي لحتى ينغمر الارز ..وبعد الغليان بوطي تحته النار عالاخر لحتى يستوي …وبحمي جمره وبطفيها بزيت بقشرة بصله بالارز وبغطيه مزبوط عشان ياخذ نكهة الفحم
وهيك بكون عندي جاااهز
& وهلا مع التقديم ..بفرد الارز بالصدر وبضع عليه الدجاج المشوي وشرائح البصل وشرائح الليمون والبندوره ..وبزينه باللوز واذا بتحبو تضيفوالزبيب المقلي
وبقدمه مع السلطه واللبن والدقوس
وااااالف صحه وعافيه …الطعم رووعه.. بتمنى تعجبكم
