ابنك عنده افطار جماعي وتذكرتيه اخر الليل؟ ولا يهمك الحل عندي! سلسلة وصفات التوفير 11
ابنك عنده افطار جماعي وتذكرتيه اخر الليل؟ ولا يهمك الحل عندي! سلسلة وصفات التوفير 11
ابنك عنده افطار جماعي وتذكرتيه اخر الليل؟ ولا يهمك الحل عندي! سلسلة وصفات التوفير 11
المقادير
- خبز عادي
- زيت وزعتر مخلوط ببعض
- جبنة شيدر او بيضاء
الخطوات
السلام عليكم ورحمة الله وبركاته
ياما اولادنا جابولنا معهم خبر الافطار الجماعي وما أكثر الافطارات الجماعية بالمدارس والروضات ، بس يا اما بتتحيري او بتتذكري متأخر بالليل فلقيت انه نبسطها ونسهلها على حالنا والجود من الموجود. مش دايما بتقدري تتورطي بمعجنات او كيكات او توصي على شي من مطعم خلينا ندبره من البيت وبأشياء بتبيض الوجه مختلفه عن المألوف وخفيفة عالجيبة.
أولاً/ مناقيش زعتر بلمح البصر
بتجيبي ارغفة خبز عادي بتدهنيها من تحت وفوق بزيت الزيتون وبتحطي عليها خليط الزيت والزعتر وبصينية وعالفرن على الشواية بتتحمر وبتقرمش ولا الذ من هيك.
قطعيهم ارباع وهيك صاروا جاهزين.
ثانياً/ مناقيش بجبنة
نفس الشي بتعملي بارغفة الخبز بس بتدهنيها من تحت بس بالزيت وبتحطي عليها برش جبنة شيدر او جبنة بيضاء مع زعتر واشويها وقطعيها بنفس الطريقة.
ثالثاً/ مقرمشات الخبز المحمص
بتقطعي الخبز شرائح طولية وبتعمليها لولبية بتغلب شوي بس عادي ، الخبز اللولبي هوه شكل بس يعني عادي اذا خليتيها طويلة. وبتنزليها بزيت حامي تنقلي وبس تطلع فورا رشة بهارات منكهه مثل بهارات البطاطا او المكسيكية وهاي البهارات بتكون مملحة مابتحتاج ملح. واذا مش متوفره رشة ملح خفيفة بتكفي.
رابعاً/ تمر وفواكة وخضار
اذا عندك تمر او فواكه ابعثي معه شوية تمر وحبتين فواكه. او خضار مثل خيار جزر فلفل حلو.
خامساً/ المشروب
المشروب مابغلب اي علبة عصير وهوه بطبيعة الحال بياخد معه عصير بس اذا اجينا للتوفير بتعمليله عصير من عندك عصير برتقالتين عليهم ملعقة سكر صغيرة وبقنينة مي حجم صغير او حتى عصير بودرة بتعملي قنينة وبيمشي الحال.
ملاحظة التوفير/
اذا بدنا نعمل معجنات لاولادنا عالافطار الجماعي رح يكلفنا من عجين وحشوات صح مش كثير بكلف بس مقارنة بالخبز اللي عاملته مكلف، او بالعادة بنوصي من مطعم او بنشتري كيك او او او وكلهم فيهم تكلفه اعلى.
