الرشوف سلسلة وصفات اقتصادي وسريع 5
الرشوف سلسلة وصفات اقتصادي وسريع 5
المقادير
- الكميه حسب افراد العائله:
- صحن متوسط الحجم عدس حب
- صحن متوسط الحجم جريش قمح او برغل
- كيلو شنينه
- نص كيلو لبن رايب او حبة جميد حسب الرغبه
- زيت زيتون
- راس بصل
- ملح
- فلفل اسود
- كمون
- كاري
- شوربة دجاج او ماجي
الخطوات
بسم الله نبدأ
يسعد اوقاتكم حبيباتي اليوم رح اقدملكم اكله شعبيه واقتصاديه ومفيده جد ومعروفه لدى الجميع اسمها الرشوف والرشوف بحتوي على وجبه غذائيه كامله متكامله من بروتين وكلس ونشويات الي موجوده بالعدس واللبن والجريش او بالبرغل وبقدر نتناول معها السلطه والجرجير حتى نحصل على الفيتامينات المعدنيه من خلاله …يلى على المطبخ وخلينا نبلش بسم الله الرحمان الرحيم
حبايبي اوشي بدكالعاده بنحضر كل شيء حتى يسهل علينا العمل وبنبلش بالعدس بنتفقده اذا كان فيه حصى او رمل او اي عوالق بنضفه مزبوط وبغسله كويس وبنضعه بالطنجره على النار وبنغسل البرغل وبننقعه وبخليه على جنب انا استخدمت البرغل لانه اسرع بالطبخ ومرغوب اكثر بالنسبه الي وكوني بعمل سلسلة اقتصاديه اخترت الشنينه واللبن الرايب لهذه الأ كله ما اختر الجميد كله بصبر لبن رايب لوحده لكن بشرط تخفقيه بالخلاط او بالخفاقه اليدويه وشنينه لوحدها برضو بصير وجميد لوحده بصير والخلط بين اي جهتين بصير انا خلطت لبن الرايب مع الشنينه وضفتله معلقه نشا وخلطهم على البارد وبعدين غليتهم مع التحريك المستمر حتى ما يفرط اللبن
تعو انشوف العدس…العدس قرب يستوي قبل ما يستوي بنصفي البغل من المي ونشطفه وبنضيفه للعدس وبنخلطهم مع بعض وبخليهم يكملو استوائهم مع بعض وبضيف عليهم الملح والفلفل الاسود والكمون وشوة عصفر وكاري والشوربه او الماجي حتى يعطيه النكهه الطيبه انا ضفت شوربه لاني ضد الماجي على طول نادرا بستخدمه لانه يحتوي على مواد اسمها احادي الصوديم المضره بالاعصاب وبعد ما ينضج الاكل بضيفله اللبن المغلي وبخليهمزيغلو مع بعض شوي حتى يتجانسو مع بعض اه طبخه بدون زيت اجا دور الزيت بضيف بالمقلا قد كاسة شاي من الزيت بحمر فيه البصل المفروم ناعم وبس يتحمر البصل بالزيت بديره بالطنجره وهي ساخنه وبقدمه مع الجرجير والبصل الاخضر ان وجد والزيتون واذا في سلطه مش غلط حتى تصير الوجبه متكامله وفي ناس كمان بفتو فيه مع خبر الشراك مع السمن البلدي وبجنب الصوبه ويا سلام
ان شاء الله تعجبكم وتنال اعجابكم يا احلى وردات ربنا يشافي مرضاكم ويرزقكم من حيث لا تحتسبوا
استودعتكم لله الذي لا تضيع ودائعه
