طريقة عمل شوكولاتة للدهن او نوتيلا لدهن سانويشات الاطفال سلسله اقتصادي وسهل 6
طريقة عمل شوكولاتة للدهن او نوتيلا لدهن سانويشات الاطفال سلسله اقتصادي وسهل 6
طريقة عمل شوكولاتة للدهن او نوتيلا لدهن سانويشات الاطفال سلسله اقتصادي وسهل 6
المقادير
- نص كاسة حليب سائل
- نص كاسة حليب باودر
- نص كاسة سكر مطحون ناعم
- نص كاسة زيت قلي
- نص كاسة كاكاو خام من النوع الجيد
- فستق محمص ومطحون
- زبدة الفستق
- معلقة نسكافيه او كبتشينو بنكهة البندق
الخطوات
بسم الله نبدأ
السلام عليكم ….يسعد اوقاتكم حياكم الله
حبايب قلبي اليوم حابه اقدم لاطفالكم شغله اقتصاديه وسهله وسريعه وصحيه وللي ما بقدرو يشترو نوتيلا لاطفالهم من المحلات وصدقوني نوتيلا المحلات تحتوي على الزيوت المهدرجه وبعض البلدان بدخلو فيها شحوم الخنازير وبطيبوها حتي يكون مذاقها طيب وعد عن ذلك غالية الثمن دخلت احد المحلات وتفاجئت انه مرطبان صغير بخمس دنانير فقررت اعملها ان شاء الله تنال اعجابكم اعملتها وكثير كان مذاقها رائع ان شاء الله تعجبكم
يلى على المطبخ حتى نعملها ونشوف قديش اقتصاديه وسهله اول شي بحضر المواد الطلوبه مني حتى يسهل علي العمل وبجيب شوية فستق او فول سوداني غير مملح وبحمصهم او بقليهم وبطحنهم منيح على مطحنة القهوه وبطول بالي عليهم شوي حتى احصل على عجينه متماسكه ناعمه كما هو موجود بالصوره
بحضر الخلاط وبضع فيه الحليب السائل والسكر المطحون والحليب الجاف والكاكاو والفول السوداني المطحون ومعلقه من النسكافيه بنكهة البندق ما عدا الزيت بشغل الخلاط بعد ما تتجانس المواد بنزل الزيت على شكل خيط حتى نفاذ الكميه واذا شفتيها جامده ضيفيلها شويه حليب سائل انا طلع معي اللون غامق لاني وضعت معلقتين نسكافيه انتو حطو وحده بتكفي وكل ما كانت نوعية الكاكاو جيده كل ما كانت الشوكلاته اطيب وبنصحكم تجربوها بامكاني اطحن بندق بدل الفستق بس السلسله اقتصاديه وموفره لكن اخذت الوصفه نكهة البندق من النسكافيه
الف صحه وهنا ان شاء الله تعجبكم
يومكم حافل بالطاعات والمسرات ان شاء الله
استودعتكم لله الذي لا تضيع ودائعه
