سلسلة اكلات امي المفتول
سلسلة اكلات امي المفتول
المقادير
- المفتول:
- كيلو ونص مفتول
- بصلة مفرومة ناعم
- ملعقة كبيرة كمون مطحون
- دجاجة ونص منظفة و مقطعة
- 7 حبات كبار بصل مقطع شرائح
- تلات ملاعق كبيرة بهارات مشكلة
- تلات كاسات حمص مسلوق حسب اللرغبة ممكن اتقللو
- نص كاسة زيت زيتون
- رشة ملح
- فلفل اسود
- صلصة البندورة من ملعقتين لتلات ملاعق كبيرة
- ماء مغلي
- مكعبين مرق الدجاج
- رشة ملح
- فلفل اسود
- البهارات الحب:
- هيل
- عود قرفة
- ورقتين غار
الخطوات
بطنجرة بتحطي الدجاج و ملح و البهارات الحب وبتتركيه دقيقتين لتنزل ميته
بتضيفيله البصل والحمص و مكعبين المرق و مية بتغلي و تلات ملاعق كبيرة بهارات مشكلة رشة فلفل اسود بس يغلى ويصير الدجاج نص استوا
بتضيفي صلصة البندورة و المصفاية ونص كمية المفتول ومن النص بتضيفي بصلة مفرومة ناعم و مفروكة مع الكمون وباقي كمية المفتول و بتغطيه
مية سخنة بتذوبي فيها الملح كمية الملح متل ما بتحبي طعم الملوحة و كل خمس دقائق بتفتحي على المفتول و بتحطي شوية من المية و بتحركي بالشوكة
بس يستوي المفتول بتحطيه بصنية و بتفركيه بزيت الزيتون و بتحطيله حمص وبصل و بتشربيه من المرقة و باقي المرقة بتتقدم جنبه
الدجاج بصحن بتخلطي بابريكا و زيت ذرة و بتدهني وجه الدجاج فيه و بتحمريه بالفرن
بالهنا والشفا
