منسف باللحم
منسف باللحم
المقادير
- لحمة بعظمها
- رز حبة قصيرة
- لبن مخيض
- حبة جميد
- حوايج المنسف:
- كركم
- ملح
- حب هيل
- ورق غار
- زيت
- سمنة بلدي
- خبز شراك
- حبة بصل
الخطوات
اولا
نقوم بغسل اللحمة جيدا وبعد هيك بنحطها بطنجرة الضغط بنفرم عليها بصل وبنحركها مع البصل عالغار وبنضيف عليها رشة من الجوايج (بهارات منسف)وبنضل نحرك فيها ع الغاز لحتى يتغير لونها وبعدين بنضيف عليها ماء مغلي وبنحط حبات من الهيل وورق الغار وبستناها لما تغلي بنشيل الزفرة وبنغطي عليها بطنحرة الضغط لمدة ساعة
بهاي الوقت بنكون غسلنا حبة الجميد وبننقعها بمي سخنة بعد ما نقسمها قطع صغار وبعد هيك بنضربها على الغلاط الكهربائي وبنخلطها مع اللبن لما تستوي اللحمة بنغلي اللبن مع الجميد عالغاز وبعدين بنحطو فوق اللحمة بعد ما بنصفي مرقتها ولما بغلي اللبن مع اللحمة بنزيد حوايج المنسف ورشة صغيرة كركم ازا احتاج
ثانيا
الرز
بننقعو بمي فاترة وملح وبراس المعلقة الصغير كركم
بعد هيك بنحط بطنجرة زيت وبنحط الرز فوقيه وبنحك عليه ملح ورشة من حوايج المنسف وبنحركهم وبعد هيك بنحط عليه مي مغليه وبضبط الملح وبنخليه بس يغلي وبتخف المي عنو شوي بنوطي الغاز عليه وبنغطيه لما يستوي
بعد هيك بنحط رغيف خبز شراك بالسدر وبنشربو شوي من شراب المنسف وبنحط الرز فوقها وبندهن وجه الرز بالسمنة البلدي وبنحد اللحمة وبنزينو بالبقدونس واللوز وصحتين وعافية
هادي طريقتي بطبخ المنسف بتمنى تنال اعجابكم حبيباتي
وبالنهاية كل واحد وطريقتو بالطبخ
