دجاج بالفرن بدون قصدير سلسلة وصفات التوفير 16
دجاج بالفرن بدون قصدير سلسلة وصفات التوفير 16
المقادير
- نجم الوصفة كيس حليب فارغ ونظيف
- دجاج
- خضار بطاطا بصل جزر
- ملح وفلفل
- بهارات كاري
- بهارات دجاج
- شطة مطحونة اختياري
- زيت وخل
- صلصة بندورة
الخطوات
السلام عليكم ورحمة الله وبركاته
دجاج مع خضار مشوي بطريقة ابداعية
ياما جهزنا اغراض الطبخة وتعبنا فيها و تفاجئنا باللحظة الاخيرة انه في غرض مهم ناقص مثل القصدير لشوي الفرن او اكياس الشوي ، بس ولا يهمك عندي طريقة رح تسعفك بهيك مواقف المهم الطبخة تجهز.
البديل المدهش للقصدير واكياس الشوي هوه
كيس الحليب البودرة ، لا تستغربي كيس الحليب بحل محل اكياس الشوي واليكم طريقة شوي الدجاج بكيس الحليب.
أولاً/ تجهيز الدجاج والخضار
لازم تعرفي انه الكيس بيوسع دجاجة صغيرة.
بتنضفي الدجاجة بشكل ممتاز من جوا خااصة واحرصي على التخلص من قطعة الدم اللي بتشبه الكبدة واللي بتكون بظهر الدجاجة لانه هالقطعه كفيلة تزفرلك كل الطبخة وتفسد طعمها وريحتها.
تبلي الدجاجة بالملح والفلفل الأسود وزيت الزيتون وخل وبهارات دجاج وكاري وصلصة بندورة ادعكي الدجاجة كويس واذا تبلتيها قبل بيوم احسن واريح.
وبنفس التتبيلة عدا صلصة البندورة بتتبلي الخضار المقطع قطع كبيرة عشان مايذوب بالفرن .
ثانياً/ الكيس
بتكوني مفرغة الحليبات بعلبة و منضفة الكيس من اثار الحليب وبتتعاملي معه زي الكيس الحراري بالضبط بترتبي فيه الخضار ثم الدجاجة وكاسة شاي مي وبتغلقي الكيس باعواد خشبية مع ثني طرف الكيس للأعلى.
طبعا اكياس الحليب احجام حسب حجم طبختك استخدمي بس عموما الكيس الكبير اللي 2 كيلو وربع هوه الافضل عشان الدجاجة تاخد راحتها بالسوا مع الخضار.
—انا عملت نصف دجاجة لانها كبيرة الحجم والكيس مابوسع دجاجة كبيرة بيوسع دجاجة صغيرة.
ثالثاً/ الشوي
على فرن دافي بتدخلي كيس الحليب وهوه بصينية طبعا وبتخليه اول نصف ساعة على احمى حرارة وبعدين خفضي الفرن عالاخر لمدة ساعة لساعة ونص حسب وزن الدجاجة.
رابعاً/ التقديم
قدمي الدجاج المشوي مع السلطات واللبن والشوربة وصحة وهنا.
ملاحظة التوفير/
استغلال اكياس الحليب بدل رميها عالفاضي
