طريقة عمل الارز المكرمل مع الدجاج المشوي سلسة وصفاتي المشكله 8
طريقة عمل الارز المكرمل مع الدجاج المشوي سلسة وصفاتي المشكله 8
طريقة عمل الارز المكرمل مع الدجاج المشوي سلسة وصفاتي المشكله 8
المقادير
- أرز بسمتي استخدمت نص كيلو
- معلقتين سكر
- معلقتين زبده
- معلقة قرفه مطحونه
- بكيت ماجي
- رشة زيت قلي
- ملح
- بهارات
- دجاج مشوي
- للتزين:
- لوز مقلي
الخطوات
يسعد مساااكم وكل أوقاتكم ..اليوم راح اقدملكم وصفة الارز المكرمل من سلسة وصفاتي المشكله صحيح الاسم غريب بس بعطي طعم جديد للارز وتغير عن الطعم المعتاد وبعطي لون رااائع للارز ويلي بتسائل كيف سكر وما بطلع الارز حلوو لا ما بطلع حلو بس بعطي طعم زاكي وحلاوته خفيفه جدااا لا تذكر بس بتحسي انه في شي جديد بالطعم وانتي بتقدري تتحكمي بالشي خلال الطبخ اذا ذقتي من المي تاعت الارز وشفتيه حلو بتضيفله رشة ملح وبهارات يلي بتحبيها بتختفي حلاوته وبضل اللون الرائع يلي بعطيه السكر المكرمل للارز ….
بتمنى تعجبكم وتجربوها …انا اول مره بجربها بس عجبتني كتير وراح اعتمدهاااا
ويلااا مع شرح الطريقه ….
& اول شي بضع معلقتين سكر بالطنحره وبستناهم يذوبو ويتكرمل السكر عالنار وسط عشان ما ينحرق ..ولما يوصل لدرجة الكرمله المطلوبه بضعله ملعقتين زبده وبذوبها معه .بعدين بضيف الارز البسمتي المنقوع والمصفى وبحركهم سوا سريعا عشان السكر المكرمل ما ينحرق ويضل لونه حلوو وبضيف للارز رشة قرفه مطحونه وبكيت ماجي وشويةزيت وبقلبهم سوا وبضيف مي ساخنه لتغمر الارز ولحتى يغلي بذوقه وبشوف كيف طعم السكر لاي مدى ظاهر انا ضفت رشة ملح ورشة بهارات ..وبعد ما يتشرب الارز المي بوطي تحته للاخر لحتى يستوي عالراحته
& وهيك الارز المكرمل صار جاهز وبقدمه مع الدجاج المشوي ..والسلطات
& الدجاج المشوي سبق ونزلت طريقته بالأرز البرياني
وهو نقعته بتتبيلته ودخلته عالفرن بعد نص ساعه بوطي تحته النار للوسط وبتركه يستوي مع تتبيلته يلي طعمها اكتر من رائع اما بدخليه الفرن بكيس حراري او بصينيه وبتغطيه بالقصدير
وصحه وألف عافيه …
دمتم بخير جميعا …
