مملحات تركية مضمونة ولا أروع سلسلة الوصفات التركية 10
مملحات تركية مضمونة ولا أروع سلسلة الوصفات التركية 10
مملحات تركية مضمونة ولا أروع سلسلة الوصفات التركية 10
المقادير
- 250 غرام زبدة بدرجة حرارة الغرفة
- ملعقتين كبار زيت
- ملعقتين كبار خل
- بيضة واحدة
- ملعقة كبيرة سكر
- نصف ملعقة صغيرة محلب
- ثلاث أرباع ملعقة صغيرة ملح
- باكيت بيكينغ باودر
- حوالي 3 اكواب من الطحين وممكن أقل أو أكتر حسب نوعية الطحين المهم نوصل لعجينة طرية
الخطوات
☆بسم الله الرحمن الرحيم☆
بالبداية منخلط الزبدة لتطرى شوي وبعدين منضيف باقي المكونات عدا الطحين ومنخلطهم مع بعض ليمتزجو منييييح
بعد مايمتزجو منضيف الطحين ومنخلط والأفضل طبعا كالعادة ينضاف بالتدريج لتوصلو لعجينة طرية ورائعة وهيك تلعبو فيها بأصابعكم متلي هههههه
بعدين منشكلهم وحبيت اعمل هالاشكال بطريقة بسيطة كتير بعيداً عن التعقيد متل مابيعملوهم هون بالمخابز
بالنسبة للشكل الاول بالصينية حبلين منلفهم حوالين بعض
وبالنسبة للشكل المدور نفس المبدأ بس الحبال أرفع اذا بتلاحظو
منصفهم بالصينية ومندهنهم بصفار البيض مخلوط من نتفة حليب ونتفة خل ونرش عليهم شو ما منحب من نكهات
انا استخدمت اليانسون وحبة البركة والسمسم
ومندخلهم الفرن المحمى مسبقاً على درجة حرارة 180 لحتى يتحمرو طالعوهم وتركوهم يبردو تماما وانتبهو لأنو بكونو هشين
وطبعا ماتنسو كاسة الشاي معهم هههههه
وصحة والف هنا يا أميراتي♡
ماتنسوني من دعواتكم♡
