مربعات جوز الهند البارده طعم رائع والتجربه اكبر برهان سلسه سهل وسريع 11

المقادير

• 2 كوب قطر ساخن
• 1 كوب سميد
• 5 اكوب مبرووش جوز الهند
• صبغه اي لون او بدون صبغه بينفع كمان

الخطوات

بسم الله نبدا

بالبدايه بنحضر القطر الي عيارو كل كوبين سكر كوب ماء وعصره ليمونه او رشه صغيره من ملح ليمون وبنتركو يغلي لمده عشر دقايق وبنوخذ منو عيار كوبين قطر وبنقسمهم لمرحلتين بنحتاج كوب قطر بكل مرحله

بطنجره صغيره بنحط كوب قطر على نار هاديه وبنضيف الهم الصبغه و نصف كوب السميد وبنحركو لما تتفتح عنا حبات السميد ويثقل القوام بنشيلو عن الغاز و بنضيف كوبين ونص جوز الهند وبنحركهم مع بعض لما تختلط كل المكونات منيح وبنحضر صينيه صغيره وبندهنها دهنه خفيفه زيت نباتي وبنحاول نفرد اول طبقه من جوز الهند بسرعه لسهوله فردها وهيه سخنه وبعد هيك بنحظر الطبقه الثانيه بنفس الطريقه بس بدون اضافه صبغه وعطول بنمدها فوق الطبقه الاولى وبنضغط عليها لتسير نفس المستوا وتسير عنا طبقتين متساويتين بنترك الخليط يبرد منيح ويتماسك بالثلاجه وبعد هيك بنقطعو لمربعات صغيره متساويه وبنرش عليه جوز الهند ويقدم

والف صحه وهناا بتمنى تجربوها وتعجبكم

احترامي وتقديري لاحلا واروع اخوات وصديقات بالدنيا ❤ تحياتي الكم رشا ام احمد