خبز بالسبانخ روووعه وكتير مقرمش من تحت ديات أمي الغاليه

المقادير

• مقادير العجينه:
• كيلو طحين
• كوب زيت نباتي
• معلقه صغيره ملح
• ماء دافئ للعجن
• مقادير الحشوه:
• حزمه سبانخ
• عصير ليمون
• فلفل أحمر مطحون
• زيت زيتون
• ملح
• لفرد العجين:
• كميه من الزيت

الخطوات

السلام عليكم إشتقتلكم كتيررر يا حبايبي.

بنعجن مكونات العجينه ليصير عنا عجينه كتير ناعمه وطريه بس ما بتلزق بالإيد وبنتركها لترتاح..

ف هالوقت بنجهز الحشوه بنظف السبانخ وبعدها بنفرمه فرم يكون وسط وبعدها بنغسله كذا مره لنتخلص من أي رمل بنحطه ف شى يكون واسع وبنحاول نعصره لينزل كل الميه إلي موجوده فيه عنا بنحكي نمردته هههه ما علينا بعد ما نعصره كويس بنحطله الليمون والفلفل والزيت والملح أنا ما حددت الكميه كل واحد يحط ع ذوقه بس كتري الفلفل بطلع بجنن أزكا كتير وهو بحرق وبنمزجهم كويس .

بنقطع العجينه لكرات متوسطه وبنخليها لترتاح .

ف صحن بنحط كميه من الزيت وبنسقط كم من كره فيها ليسهل علينا فردها.

بعد ما ترتاح العجينه بأخد كره من الكرات وبفردها ع صينيه مدهونه بالزيت كويس والعجينه نفسها بتكون مليانه زيت وببلش أفردها بإيدي لتصير شفافه بقسمها لقسمين وبحط ع بدايه الخط من الحشوه وبلفها زي ما ف الصوره وبحطها ع صينيه مدهونه بالزيت وبخبرهاا بالفرن يكون درجه حرارته أعلا من المتوسطه .

بنقدم جنبه سلطه ولبن ويمييييي

وصحه وعافيه

بحبكم أنا