كنافة روعة سلسلة الوصفات التركية 12

المقادير

• نصف كيلو كنافة شعر منقطعها ناعم
• ربع كيلو زبدة للكنافة
• كمية من الزبدة للصينية اللي رح نشوي فيها
• حوالي نصف كيلو جبنة عكاوي منحليها اذا كانت مالحة طبعا
• قطر لنسقيها لهي الكمية حوالي:
• 4 كوب سكر
• 4 كوب ماء
• عصرة ليمونة

الخطوات

☆بسم الله الرحمن الرحيم☆

اول شي مننتف الكنافة ومنفش كل خلقنا فيها وطبعاً ما مننسى نهرهر بكل الأنحاء حوالينا ههههههه

بعدين منضيف عليهم الزبدة المدوبة ومنخلطهم منييييح لحتى كل خيوط الكنافة تتشرب بالزبدة

ومنجي للصينية اللي بدنا نعمل فيها الكنافة مندهنها منيح بالزبدة اللينة ومنسخى بالدهن ههههه يعني لتتحمر منيح

منفرد تقريبا نص كمية الكنافة بالصينية ومنضغطها منيح ليصير عنا طبقة كنافة متساوية بعدين منفرد الجبنة بالتساوي بدون مانوصلها لحواف الصينية ومنرجع نحط باقي كمية الكنافة فوقها وكمان منضغط عليها لتصير سوية ومندخلها الفرن الحامي لتتحمر واول ماتطلع منسقيها بالقطر الساااخن ومنستمتع بأطيب اكلة شتوية ههههه

الصورة الأولى لكنافة بالفستق الحلبي والتانية بالقشطة والاخيرة بالجبنة بس طريقة القشطة منزلتها قبل وموجودة بملفي مع صور الخطوات كمان

يعني هالوصفتين بكملو بعضهم هههههه

بالنسبة للخطوات لهدول بالذات اعذروني لانو ما الهم صور لانهم قديمين شوي عندي

ان شاء الله تجربوهم وتعجبكم يا اميرات وبالهنا والعافية

ملاحظة اخيرة

الصورة التانية هي مشوية بالفرن القديم تبعي لهيك مو كتير تحميرتها بتشبه تحميرة اخواتها ههههههه