تارت الشوكولا عشق لا ينتهي
تارت الشوكولا عشق لا ينتهي
المقادير
- 3 كوب طحين ابيض
- 200 غرام زبده بارده
- معلقه صغيره فانيلا
- ثلثين الكوب سكر مطحون
- صفار بيضتين
- ربع كوب ماء بارد جداا تقريبا ممكن نحتاج اقل حسب نوع الطحين ولما تلم معنا العجينه
- شوكولاه دهن
- زبيب وفستق حلبي مطحون للزينه
الخطوات
بسم الله نبدا
بمحضره الطعام بنضع الطين والزبده البارده وبنشغلها لما يتشكل عنا خليط مثل الرمل وبعد هيك بنضيف الفانيلا وصفار البيض ورشه الملح وبنشغل الخلاط لفه خفيفه يا دوب يمتزجو ما بدنا نعجنهم بس مجرد يلتمو كل المكونات وبنضيف المي البارده شوي شوي لما تشوف العجينه صارت تلم على بعضها بنكتفي يمكن ما نحتاج كل كميه المي المذكوره طبعا حسب نوع الطحين وبعد هيك بنلم العجينه وبنغلفها وبنتركها ربع ساعه بالثلاجه لترتاح وبعد هيك بنبلش نقطع و نرق العجينه على حسب قوالب التارت الموجوده عناا وبنعمل بوسط قوالب العجينه ثقوب بالشوكه وبنضع ثقاله من حبوب الحمص او افاصوليه داخل القوالب لحتى ما ترتفع عجينه التارت من الوسط اثناء الخبز
وبنخبز هم بالفرن محمى مسبقا على درجه 180 تقريبا ربع ساعه او اكثر حسب الفرن الموجود عنا او لما نشوف اطراف العجينه صارت ذهبيه بنتركهم يبردو تماما وبعد هيك بنحضر الشوكولاه وبنضعها داخل قوالب التارت الجاهزه وبنزينها حسب الرغبه وتقدم والف صحه وهناا
ملاحظة: شوكلاتة الدهن سبق ونزلت طريقتها بوصفه معجنات الموز
او اذا بتحبو فيكم تستعملو اي نوع شوكولاه بتحبوه وبتقدرو تستبدلوها بالمربى حسب اختياركم
