طبقات الدجاج والخضار والأرز بطريقه جديده سلسة وصفاتي المشكله 11

المقادير

• دجاج استخدمت صدور الدجاج
• أرز بسمتي استخدمت نص كيلو
• فلفل أحمر.. وأخضر ..وأحمر مقطع شرائح
• 2 حبة بندوره وسط مفرومه
• جزر
• بازيلا
• 2 راس بصل كبير مفروم للخضار والدجاج
• كمية من الثوم المفروم للدجاج والخضار
• ملح
• فلفل أسود
• كاري
• كركم
• بهارات مشكله
• بكيت ماجي
• زيت قلي

الخطوات

يسعد مسااكم وأوقاتكم … اليوم بقدملكم وصفة طبقات الارز والخضار والدجاج من سلسة وصفاتي المشكله

بتمنى تعجبكم ..تغير عن المعتاد وتغير بالتقديم وتغير بالطعم ..

ويلااا مع شرح الطريقه …

& اول شي بقطع الدجاج لمكعبات ..انا استخدمت صدور الدجاج ..بقلي بصله مفرومه بشوية زيت وبضيف سنين ثوم مفروم ..وبعدين بقلي معهم الدجاج وبضيفله الملح والفلفل الاسود والكاري وبعد ما يتقلو عالنار عاليه ..وبضيفلهم كوب مي ساخنه او كوبين لانه اخذت منها للارز ..وبعد الغليان بوطي النار لحتى تستوي

& تاني شي الخضار …بقلي البصل بشوية زيت ..وبعد هيك بضيف الثوم المفروم وبقليهم سوا …وبضيفلهم الفلفل الاصفر والاحمر والاخضر وبقلبهم ..وبضيفلهم البندوره المفرومه ..والجزر والبازيلا ..وبضيفلهم رشة ملح وفلفل اسود وكاري وبهارات مشكله وكركم وبقلبهم سوا ..وبضيف عليهم شوي من مية الجاج يلي لسى بكون بغلي عالغاز وبخليهم يستوو عالنار هاديه ..

& وهلا الأرز ..بكون ناقعته من قبل بمي ساخنه مع رشة ملح ..بصفيه ..بطنجره بضع فيها مي وبزيدها مغرافتين من مية الدجاج بشيل منه قبل ما تتنشف ميته

وبضيفلها ماجي وزيت وملح وفلفل وبهارات وكركم

ولما تسخن المي بنزل فيها الارز وبخليه يغلي عالنار عاليه وبعدين بوطي تحته للاخر وقبل ما تتنشف ميته مزبوط ويستوي عالاخر بطفي تحته وببلش بعمل الطبقات لانه راح يكمل سواه بالفرن

& اول شي بضع طبقة الدجاج وما بكون نشفته عالاخر بكون عليه شوية صوص …

وبعدين طبقة الخضار وبفردها عالجاج

واخر شي طبقة الأرز وبكون لسى عليه شوية مي بضيفها معه ..اذا كان بحاجة لمي بضيفله نص كاسه صغيره

وهيك جاهز معي بغطيه بقصدير وبدخله الفرن عالنار عاليه للغليان وبعدين بوطي تحته للوسط ..وما باخذ وقت كتير يعني من ثلث ساعه لنص ساعه حسب حرارة الفرن

& وطبقنا صار جاهز للتقديم …

قدمته مع سلطة الملفوف الأحمر ..وسلطة الفلفل الألوان

بصرااحه الطعم كتير زااكي ..

صحه وعافيه ..دمتم بخير