طريقة كيكة التمر طعم ولا اروع
طريقة كيكة التمر طعم ولا اروع
المقادير
- كوبين وربع طحين ابيض
- اربع بيضات بدرجه حراره الغرفه
- نص كوب سكر
- نص كوب زيت
- كوب تمر منزوع النوا منقوع مع نص كوب ماء دافي أو كوب جاهز من معجون التمر
- معلقه صغيره فانيلا
- معلقه صغيره بيكنج باودر
- معلقه صفيره قرفه مطحونه
- معلقه صغيره هيل مطحون
- معلقه صغيره كربونه الصودا
- ربع كوب مي اذا استعملنا معجون التمر الجاهز
- للتزيين:
- جوز عين الجمل
- او لوز
- او سكر مطحوون
الخطوات
طريقه هالكيكه بقدمها للصديقه ام يارا على حسب طلبك بتمنى تجربيها وتعجبك وبتمنى من الكل يجربوها طعمها كثير طيب ومميز
بننقع كوب التمر مع نص كوب مي دافيه لمده ساعه تقريبا وبعد هيك بسخنها على الغاز وبنخلي التمر يغلي غلوه وحده وبنتركو يبرد قبل منبلش بعمل الكيك
او اذا حبينا بنستعمل كوب معجون التمر الجاهز وبنوفر وقت بهالخطوه والطعم بظل روعه وما بتغير
بالبدايه بنخفق الزيت مع السكر منيح وبنبلش نضيف البيض وحده وحده مع استمرار الخفق وبعد هيك بنضيف الفانيلا وبنضيف التمر وبنخلطهن مع بعض وبعد هيك بنبلش نضيف الطحين الي بنكون ظفنالو
البيكنج باورد والهيل المطحون والقرفه المطحونه ورشه الملح
وبنحركهم بمعلقه من تحت لفوق لحتى يمتزجو وتخلص كميه الطحين بندير الخليط بقالب مدهون زيت ومرشوش بالطحين وبنخبزو بالفرن لمده اربعين دقيقه او حسب الفرن وحجم القالب الي عندك على درجه 180 والف صحه وهنا يا رب
تحياتي الكم جميعا رشا ام احمد لا تنسوني من دعواتكم الحلوه ❤
