كوسا محشي سلسة وصفاتي المشكله 12
كوسا محشي سلسة وصفاتي المشكله 12
المقادير
- كوسا حبه صغيره
- لحمه مفرومه
- أرز حبه قصيره
- ملح
- فلفل أسود
- بهارات
- كاري
- زيت
- بكيت ماجي
- 2 باكيت صلصة بندوره
- معلقة سكر
- كميه من الثوم المهروس
الخطوات
يسعد مسااكم …اليوم بقدملكم طريقة كوسا محشي ولا أطيب من هيك من سلسة وصفاتي المشكله .
ان شاء الله تنال اعجابكم ….
ويلا مع شرح الطريقه….
& بنغسل الكوسا ..وبنبلش بحفرها وبتكون حبتها صغيره
لما اخلص حفرها كمان برجع بغسلها مره ثانيه وهيك بتصير جاهزه معي للحشي
& هلا تجهيز الحشوه بكون ناقعه أرز بمي ساخنه بصفيه وبضيفله لحمه مفرومه مقليها من قبل وملح وفلفل اسود وبهارات وكاري وشوية زيت وبخلطهم سوا
وببلش احشي الكوسا بعبي الحبة رز لنصها وممكن اذا حبيتي تغطي بابها بالجزء يلي شلناه باول الحفر او بورقة دوالي بس انا ما غطيتها بشي
& ملاحظه : لب الكوسا يلي بطلع معي من الحفر ممكن اخليه واستفيد منه عالغدا ثاني يوم بقليه مع بصله وزيت زيتون وملح وفلفل كتير طيب
& لما اخلص حشي كل الحبات بوقفهم بطنجره وبغمرهم مي لانه بدي صلصة عليه ما بدي يكون ناشف وبضيفله رشة ملح وفلفل اسود وبكيت ماجي ومعلقة سكر وصلصة البندوره ..طبعا ما دام في عندي بالطبخه صلصة البندوره ااكيد لازم يكون في معلقة سكر لانها بتعدل وبتوازن طعمة الصلصله…وبتركهم يغلو لحتى يستوي الكوسا وما باخذ وقت كتير ..اخر شي بقلي ثوم مهروس وبضيفهم عليه وبتركه يغلي غلوتين وبطفي تحته وهيك وصفتنا صارت جاهزه …وصفه دسمه ومُشبعه وبنفس الوقت طبيخها سهل وبسيط وما فيه تعقيدات ..
وتقدم الكوسا مع صلصتها
وصحه وعافيه …دمتم بكل الخير
