طريقة القشطه البيتي لجميع انواع الحلويات
طريقة القشطه البيتي لجميع انواع الحلويات
المقادير
- اطيب فنجان سكر
- علبة قشطة قيمر
- جبنة القريش:
- كاستين ماء
- كاسة حليب ناشف
- ربع فنجان خل
- قشطة المهلبية:
- كاستين ماء
- كاسة حليب ناشف
- 3 ملاعق نشا وممكن 4
- ملعقتين طحين
- ملعقتين كبار ڤانيلا
- ممكن ماء ورد حسب الرغبة بس الڤانيلا
الخطوات
السلام عليكم
حبيت اشاركم طريقة القشطة البيتية طيبة كثير وبستخدمها للشعيبيات والقطايف وممكن تستخدموها لكل انواع الحلويات
بسم الله نبدأ،،،،،،،
اول شي جبنة الحليب
بنذوب الحليب بكاستين المي ونحطهن ع نار هادية لحد الغليان بنضيف الخل وبنتركها تغلي بتبلش تفصل الماء عن القريش وبس تصير الماء صفرا بنطفي الغاز وبنصفيها بقطعة قماش نظيفة ونتركها تتصفى وتبرد .
بعد ماعملنا جبنة الحليب بنبلش نعمل المهلبية ، بنذوب الحليب والسكر بالماء والطحين والنشا والڤانيلا وبعدها بنحطهن ع نار هادية مع التحريك لحد مايثخن معنا الخليط ويغلي وهون المهلبية لازم تجمد مزبوط اذا حسيتيها رخوة ضيفي ملعقة نشا مذوبه بشوي مي وارجعي حركي حتى تحسيها جامدة مزبوط وبلشت تطلع فقاعات بتطفي النار تحتها ،، بتضيفي عليها علبة القيمر وجبنة الحليب بعد مانعصرها وهي داخل القماشة ونتخلص من كل الماء اللي جواها بنخلطهن سوا اما بمضرب يدوي او خلاط الكريما وبس تنعم معنا بنتركها تبرد وبنحطها بحافظة بالثلاجة انا اكثر مدة حطيتها بالثلاجة اسبوعين وممكن تستخدميها مباشرة بس تبرد لأي نوع حلو بتحبيه وان شاالله تجربوها وتعجبكم وصحتين وعافية على قلوبكم جميعاً
