صلصة باميا والطعم خطير سلسة وصفاتي المشكله 14
صلصة باميا والطعم خطير سلسة وصفاتي المشكله 14
صلصة باميا والطعم خطير سلسة وصفاتي المشكله 14
المقادير
- لحمه ..استخدمت لحمة عجل
- باميا
- صلصة بندوره أو عصير البندوره
- ثوم مهروس
- ملح
- فلفل أسود
- معلقة سكر
- زيت قلي
- للتقديم :أرز أبيض
- عصرة ليمون
الخطوات
يسعد مسااكم وكل أوقاتكم
حبيت اقدملكم طريقتي بصلصة الباميا أكله طيبه كتير وشهيه من سلسة وصفاتي المشكله
أن شاء الله تعجبكم …
ويلااا مع شرح الطريقه …
& بنجهز اللحمه وبنغسلها وبقليها بزيت حامي وبضيفلها ثوم مهروس وبقليهم سواا ..وبعد ما ياخذو لون من التقلايه بضيفلهم مي سااخنه ضروري عشان ما تشد اللحمه اذا كانت المي مش ساخنه …وبغمرها بالمي مزبوط عشان بحاجتها للصلصه ..وبغطيها وبخليها تغلي عالنار وسط
لما تقرب اللحمه تستوي بضيفلها صلصة البندوره ومعلقة السكر وبخليها تتسبك ..
& وهلأ الباميا …قليتها وحطيتها عالفاين المطبخ تتنشف من الزيت وعصرتلها ليمون شوي مو كتير عصره بسيطه ..كتير بعطيها طعم زاكي ..واخر شي بضيفها عالصلصة وبخليها تغلي شوي معها …
وبضيفلها اخر شي الملح والفلفل الأسود ولحتى تستوي اللحمه والباميه هيك بتكون جاهزه معي للتقديم …
& بقدمها مع الأرز الأبيض …
صحه وعافيه ..دمتم بكل خير
