طريقة عمل الهرايس زاكية كتير سلسلة اكلاتي وحلوياتي 10
طريقة عمل الهرايس زاكية كتير سلسلة اكلاتي وحلوياتي 10
طريقة عمل الهرايس زاكية كتير سلسلة اكلاتي وحلوياتي 10
المقادير
- أربع أكواب سميد
- ملعقتين حليب بودرة
- كوب زيت
- معلقة كبيرة بيكنج باودر
- معلقة صغيرة فانيلا
- كوب مي دافية
- رشة ملح
- كوب وسط لبن رايب
- مقادير القطر وبيكون محضر قبل الهريسة بوقت منشان يكون بارد:
- ثلاث أكواب سكر
- كوبين مي
- عصرة ليمون
- رشة فانيلا اختياري
الخطوات
طبعا بنحضر القطر من قبل ما نجهز الهريسة
المي بندوب فيها السكر وعالغاز ليثقل ولما يغلي بنحطله عصرة ليمون حتى ما يسكر
أما الهريسة فبنخلط المواد الجافة سوا بالأول يعني السميد مع الحليب البودرة والبيكنج باودر والفانيلا
بعدين بنضيف عليها المي الدافية والزيت واللبن ورشة الملح وبنخلطهم منيح
بنجهز الصينية الي بدنا نحمرها فيها بندهنها شوية طحينة وشوية زيت وبنصب فيها خليط الهرايس وبنخبطها منيح بالطاولة مثلا لتتساوا من كل جهة وبنخليها ترتاح شي نص ساعة تقريبا أو أقل شوي
بعدين بنحددها بالسكين وبنزينها بالفستق والقرفة أو الي بتحبوه
بنكون محمين الفرن بنحطها فيه من تحت لتتحمر الأطراف بعدين بنحمر وجها
وبنطلعها بتكون ساخنة بنصب فوقيها القطر البارد وبنقطعها ونقدمها
وصحة وهناااا
