فراخ مشوية بالفرن مع الخضار طعم وشكل هيشرفك

المقادير

• فرخه ٩٠٠ جرام
• خضار حسب الرغبه انا حطيت:
• كوسه
• جزر
• بصل
• بطاطس
• ٣معالق صلصه
• فصين توم
• بهارات
• ملح
• فلفل أسود
• زعتر
• فريك للحشو
• بصل مبشور
• معلقتين زبده

الخطوات

بنغسل الفرخه كويس ونبيتها فى تتبيله من الملح والفلفل الأسود والخل والليمون والبصل نشوح على النار البصل المبشور بمعلقه سمنه ونضيف عليه الفريك المغسول كويس ومنقوع ومتصفى نقلب الفريك مع البصل شويه ونضيف ملح وفلفل اسمر ونص كوبايه ميا ونسيبه يستوى نص سوا بعد مايجهز الفريك نحشى بيه الفرخه كويس فى طبق كبير اخلط الخضار المتقطع شرايح ( الكوسه ، الجزر ،البطاطس ،البصل ، التوم ) مع الصلصه والبهارات وشويه زيت زيتون اجيب بقى البايركس اللى هدخله الفرن واجيب الكيس الحرارى واحطه جوا البايركس واحط الخضار جوا الكيس وافرده واحط عليه الفرخه واعمل اربع فتحات بالسكينه فى صدر الفرخه اجهز معلقتين زبده سايحه عليهم معلقه توم مفروم ومعلقه صغيره زعتر نخلطهم بالمعلقه ونحطهم فى الفتحات اللى عملناها فى صدر الفرخه والباقى ندهن بيه الفرخه نقفل الكيس كويس بالقفل بتاعه وتدخل فرن من تحت على درجه حراره ٢٠٠ لمده ساعه بعد ماتطلع نفتح الكيس بحزر عشان البخار

وبالهنا والشفا
فيديو الوصفه على قناتنا باليوتيوب اسم قناتنا أحلى واسهل مع ساره Best and easiest with sara