السميت التركي او الصمون الحلو روووووعة
السميت التركي او الصمون الحلو روووووعة
المقادير
- كيلو طحين
- معلقتين خميرة كبار مسطحين
- بيضة
- نص كاسة لبن او حليب
- نص كوب سكر ناعم
- معلقة خل
- 100 غرام زبدة وبصير تستبدليا بزيت ابيض
- كوب مياه دافئ
- للتزيين:
- حبة بركة
- سمسم
الخطوات
يسعد صباحكم او مساكم مابعرف ايمتا رح تنزل الوصفة بس بنصحكن تجربوها كسناك خفيف اخر الليل او فطور طيب كتيييير مع كاسة شاي وفينكن تبعتو مع ولادكم قطعة عالمدرسة رح ينبسطو كتير فيها انا حاليا كتير عمحبها لانو خفيفة عالمعدة وبتطلع متل القطن وانا بتوحم حاليا فما عماتدايق منها الحمدلله طولت عليكم ههههه الطريقة بعملها متل عجينة العشر دقايق بحط كوب مي فاتر اقرب للسخن لان الدنيا شتا لتتخمر الخميرة وبنحط الخميرة والسكر وبندوبهن بعدين بحط معلقة الخل وكوبين طحين وبترركهن 10 دقايق بدوة يتخمرو بعد عشر دقايق بحط البيضة وبخلي من الصفار اذ بتحبي تدهني الوجه ليعطي لون حلو وبحط اللبن او حليب يفضل يكون فاتر والزبدة وباقي العجين شوي شوي لشوف اديش رح تاخد معي طحين حسب نوعيتو لانو بدنا عجينة سلسة بس مابتلزق ولا جامدة كتير وخلال العجن حطي ع ايدك او الكفوف الي لابستيا قليل زيت رح يساعدك كتير بالعجن والعجينة ماتلزق حتا لو حاطة زبدة حطي شوية زيت ع ايدك بساعدك وبطلع عجينة روعة وخمريها ساعة او ساعتين بمكان دافي وشكليها كيف مابتحبي اسفة ماعندي صور تشكيل افتحي عاليوتيوب رح يطلعلك كيف رح اشرحلكن ياه بالحكي بتاخدة كرة عجين وبتعمليها خيط طويل وبتثنيه للنص بدون قطعه وبتصيري تلفي عبعضو واخر شي بتلزقيهن دائرة مع بعض
مشان دهن الوجه انا هون دهنتن مي معلقتين وزيت معلقتين وسكر معلقة دوبتا بالمي واذ بدك حطي قليل حليب وقليل صفار ومعلقة خل ونص معلقة فانيلا وادهنيهن كمان بيعطي لمعة روعةوحطي بعدين رشة السمسم وحبة البركة رح يعطوهن طعم وشكل لذيذ وصحتين عقلبكن حبايبي
