تشيز كيك الليمون البارد بطريقة سهلة

المقادير

• باكتين بسكوت سادة
• نص كوب زبدة أو نص كوب زيت
• جبنة كريمي أو مثلثات بيمشي الحال أنا استعملت باكتين جبنة مثلثات
• علبة قشطة
• كوب سكر بودرة
• معلقة عصير ليمون
• الطبقة الاخيرة وحسب الرغبة وتختلف نكهتها:
• كوبين عصير ليمون
• ثلاث ملاعق نشا
• نص كوب سكر
• ملون غذائي أصفر
• التزيين حسب الرغبة:
• مربى فراولة

الخطوات

نحضر أول طبقة للتشيز كيك بنطحن البسكوت وبنعجنه بالزبدة أو الزيت وبنحطه بقالب التشيز كيك وبالفرن عشر دقايق

بعدين بنحضر طبقة الجبنة بالخلاط بنحط الجبنة مع القشطة مع السكر البودرة مع معلقة عصير الليمون وبنصب الخليط فوق طبقة البسكويت وكمان مرة عالفرن لتتماسك شوي بدون ما تتحمر وبنطلعها

بنجهز آخر طبقة عالبارد بنحرك النشا مع السكر والليمون وعالغاز ليثقل وبنصبه فوق القالب وعالتلاجة شي ست ساعات ليتماسك منيح وزينته بمربى فراولة

صحة وهناااا