محاشي
محاشي
المقادير
- رز صنوايت
- خليط من زيت الزيتون وزيت القلي
- لحمة مفرومة
- ثومة مهروسة
- ملح
- فلفل اسود
- كاري
- بهارات طبيخ
- بهارات سمنه
- رشة بسيط
- كوسا
- بيتنجان
- دوالي
- جاج او لحمة
- رشة عصفر
الخطوات
بسم الله الرحمن الرحيم
اول شي بالنسبة للدوالي بنسلقه وبنخليه يبرد والكوسا والبيتنجان بنغسلهم وبنحفرهم نجي لخلطة الرز طبعا الرز لازم يكون منقوع بنصفيه وبنحط عليه اللحمة المفرومة والثومه والبهارات والزيت وبنخلطهم كويس بنبلش نحشي الرز بالكوسا بس ما بنعبيها للآخر لفوق النص بشوي بعد مانخلص بنصف بقاع الطنجرة شرحات بندورة وفوقهم الجاج بنرتبه انا كمان بتبل الجاج من البهارات تاعت خلطة الرز بعد الجاج بنصف البيتنجان والكوسا وآخر شي الدوالي وكمان شرحات بندورة
بطنجرة تانية بغلي مي وصلصة وبملحها وبحطلها شوي كاري وفلفل وبس تغلي بديرها عالدوالي لازم تكون المي أقل من مستوى الدوالي بشوي ﻻنو بس تغلى رح ترتفع وبحط صحن تقيل عشان ما يفلت بعد ربع ساعة بشيل الصحن وبقلي تومة وبتركها ساعتين أنا بحبه مخبص وصحة وعافية سامحوني ازا طولت عليكم بس بحب اوضح كلشي
