طريقة الدونات الكوريه الملتوية

المقادير

• 2 م.ك زبدة
• كوب حليب سائل
• 2 م.ك سكر
• نصف م.ص ملح
• 1 م.ك خميرة
• بيضة
• 3 كوب طحين

الخطوات

السلام عليكم ورحمة الله وبركاته

كالعادة بدور دائما ً على وصفات جديدة ومميزة ولقيت وصفة هالدونتس جذبني منظرها كثير وقررت اجربها .

أولاً/العجينة

بنذوب ملعقة زبدة عالغاز عنار وسط وبس تذوب تماما بنرفع الاناء عن النار وبنضيف الحليب والسكر والملح وبنحركهم لحتى تنزل حرارة الخليط بضيف البيض وبحرك بالمضرب اليدوي والخميرة وبنتركهم 5 دقائق يتفاعلوا.

—بنضيف الطحين وبنخلط كويس المزيج ما بياخد شكل كرة ولا متماسك هوه دبق ومايل للزوجة، بنغطيه وبنتركه يتخمر .

—بعد مايخمر بنهبطه بايدنا وبنعجنه شوي وبنرجع نخمره، رح تلاحظي انه بلش يمسك العجين اكثر وينعم.

ثانياً/ التشكيل

بعد ما خمر للمرة الثانية بنقطع العجينة ل 16 قطعة متساوية وببلش فيهم قطعه قطعه بنبرمها زي الحبل بطول تقريبا 30 سم وبنبرم الرول بحيث تكون يد بتبرم للامام من طرف واليد الثانية بتبرم للخلف من الطرف الثاني.

—لما نبرمها بشكل متعاكس هيك بس نمسكها من الاطراف ونرفعها رح ترول على نفسها لحالها وبنساعدها احنا بنلفها على بعض بلطف بدون شد.

—بنعمل كل القطع وبنتركهم يخمروا بصينية مرشوشة طحين ضروري لانهم رح يلزقوا بدون طحين ويخرب شكلهم وبس يخمروا بنقلبهم وبنخليهم يخمروا من الجهه الثانية اللي كانت بالاسفل بتكون مسطحة لانها.

ثالثاً/ القلي

بنقليهم في زيت غزير حرارة عالية ومجرد مانزلنا العجينة بالزيت بنوطي الغاز عالوسط المنخفض لحتى تاخد وقتها بالاستواء وبنضل نقلب كل شوي لحتى تنفش وتصير لونها بني فاتح مش اشقر.

رابعاً/التقديم

—بنجهز كيس تفريز فيه ملعقتين سكر وملعقة صغيرة قرفة.

—من القلي على مصفى دقيقتين بس تتصفى وعلى الكيس اللي فيه سكر وقرفة بنمسك الكيس من بابه وبنرجّه لحتى تتغلف الدونتس بالسكر والقرفة.

— وممكن نزينها بشوكولا

ملااحظة

هاي العجينة بتقدري تعملي منها الدونتس العادية الدائرية نفس الطعم ومن جوا هشة وطرية وبتجنن.

وتقدم بالهناء والعافية