بديل الفانيليا في الكيك بودرة قشور البرتقال

المقادير

• قشور برتقال

الخطوات

بديل الفانيلا بودرة قشر برتقال

السلام عليكم ورحمة الله وبركاته

طبعا كلنا بنعرف انه البرتقال موسمه شتوي ونكهته خرافيه خاصة بالكيك وعشان نضمن تتوفر نكهته عنا طول الصيف طلعت منه بودرة وهيه بديله للفانيلا لانه نكهتها اقوى وريحتها كثير قوية بتقضي على زفارة البيض وبتعطي ريحة رائعه للكيك.

أولاً/

بتجمعي قشور البرتقال وحاولي تكون رقيقة والجزء الابيض تخلصي منه لانه بيعطي مرار.

ثانياً/

بتنشفيه بالفرن على نار هااااادية جدا يعني 150 او اقل حتى وبتتركيه لحتى يجف تماما ويصير يكسر، بياخد وقت طويل يمكن ساعتين.

وبدك كل نص ساعة تفتحي عليه وتحركيه تخربشيه وترجعي تصفيه جنب بعض مش فوق بعضه.

ثالثاً/

بتتركيه يبرد تماما وبتكسريه لقطع صغار وبتطحنيه بمطحنة التوابل لحتى ينعم ويصير بودرة.

رابعاً/

صارت جاهزة نكهة البرتقال احتفظي فيها بمرتبان زجاجي الافضل بالثلاجة.

وعند الحاجة بتستخدمي ملعقة صغيرة منها.

ملاحظة/

ممكن تعملي بودرة ليمون بنفس الطريقة بالضبط ولكن بودرة الليمون نكهتها اخف من البرتقال.