شكريباره تحلاية سهلة ولذيذة بعد الفطور بمكونات متوفرة بكل بيت سلسلة وصفاتي لرمضان 2

المقادير

• 3 بيضات ((منقيم منهم صفار بيضة بس على جنب))
• كوب سكر بودرة ممكن مطحون بالبيت عادي
• كوب زيت
• كوب سميد ناعم
• باكيت فانيليا
• باكيت بيكينغ باودر
• برش نصف ليمونة وممكن اكثر حسب الرغبة
• حوالي 3 كوب طحين او حسب نوع الطحين المهم تتشكل عنا عجينة طرية
• للقطر:
• 3 ونصف كوب سكر
• 4 كوب ماء
• عصير ليمون

الخطوات

☆بسم الله الرحمن الرحيم☆

منخلط البيض مع السكر والزيت والفانيليا وبرش الليمون والسميد منيح بعدين منضيف البيكينغ باودر والطحين بالتدريج نحنا وعم نعجن لنوصل لعجينة طرية وملمومة

منشكلها متل مامنحب بس انا حبيت قدملكم ياها بهالشكل البسيط بدون تعقيدات

منعمل العجينة بشكل اسطواني شوي وبعدين منضغط عليها بالوسط لتعطينا هالشكل الحلو وانتبهو ماتسمكوها زيادة

يعني بحدود 1 سانتي

بعد مانخلص تشكيل مندهنهم بصفار البيضة المخلوط مع ملعقة صغيرة خل ومنعمل خطوط بالشوكة متل مو واضح الكم ومنشويها بالفرن المحمى مسبقاً وأول ماتطلع منصب عليها القطر الفاتر

لازم مايكون لا بارد ولا ساخن

فاتر مائل للدافي شوي

وبعد ماتتشرب القطر وتبرد تماماً بتصير جاهزة للأكل وهنا وألف عافية

بدي قول انو اذا بقيت كم يوم مابتتأثر طعمتها وبالعكس انا حسيتها بتصير أطيب هههههه

ان شاء الله بتجربوها وبتدعولي بالبركة يا ورداتي الحبوبات

ورمضان أحلى مع زاكي ههههههه