نودلز صيني بطريقتي من سلسلة وصفات حول العالم 5
نودلز صيني بطريقتي من سلسلة وصفات حول العالم 5
نودلز صيني بطريقتي من سلسلة وصفات حول العالم 5
المقادير
- نصف كيلو سباغيتي
- للسلق:
- ملح
- زيت
- لكرات اللحمة:
- ربع كيلو لحم مفروم ناعم
- بصلة متوسطة مبروشة او مطحونة عالخلاط
- ملعقة كبيرة بكصمات
- رشة فلفل أسود
- بابريكا
- هيل مطحونة
- قرفة مطحونة
- شوية ملح
- لصلصة السباغيتي:
- بصلتين وسط مقطعين جوانح
- 3 فصوص ثوم مهروسة
- جزرتين مقطعين أعواد طولية
- حبتين او تلاتة حسب الحجم فليفلة خضرة مقطعة أعواد
- ملعقة كبيرة زبدة مع شوية زيت
- ملعقة كبيرة كتشب
- نصف ملعقة صغيرة دبس بندورة
- ملعقة صغيرة عسل
- ثلث كوب صويا صوص
- ملح
- فلفل أسود
الخطوات
☆بسم الله الرحمن الرحيم☆
أول شي منغلي مي بكمية كبيرة بطنجرة ومنضيف عليها كمية ملح وزيت مناسبين ومنسلق المعكرونة وبس تستوي تقريبا منصفيها ومنصب عليها مي باردة
هي الخطوة بتخلي السباغيتي محافظة على شكلها ومابيلتصقو الحبال ببعضهم
تاني شي منجهز كرات اللحمة بإنو نخلط المقادير مع بعضها ونشكلهم كرات ونحط بمقلاية شوية زيت ومنقليهم ومنغطيهم ليستوو
النودلز عادة بيستخدمو الو اما شرحات رفيعة من الدجاج أو من ستيك اللحم بس هالمرة حبيت اكسر القاعدة واعملها بشكل كرات باللحم المفروم
هلأ منجي لصلصة النودلز
منحط الزبدة مع شوية زيت بمقلاية ومنضيف عليهم البصل ومنشوحو ليدبل منضيف التوم ومنشوحو كمان شوي بعدين منضيف أعواد الخضار نوع نوع مو مع بعض وطبعا متل ماقلتلكم فيكم تضيفو غير اللي انا حاطتهم
منحطهم عالغاز ومنقلبهم مع بعض ليدبلو ويتشوحو منضيف عليهم بقى دبس البندورة والكتشب والصويا صوص والعسل والبهارات ومنرجعهم عالغاز ومنقلبهم دقيقة ليتسبكو مع بعض ومنطفي
هلا بقى منضيفهم عالمعكرونة بعد مانعمل فيها متل ماقلتلكم
ومنقلبهم عالغاز شوي ليختلطو وتتداخل هالنكهات مع السباغيتي وبصيرو جاهزييييين للأكل بعد مانصبهم ونحط معهم كرات اللحم..
هلا نحنا بس لهون عم نعمل متل الصينيين أما طريقة الأكل ف الله يهنيهم بأعوادهم ويهنينا بملاعقنا ههههههه
وبس حبيباتي ان شاء الله تجربوها وتعجبكم وتعتبروها تغيير روتين
بالمناسبة هية طيبة بدون صويا صوص يعني اذا حبيتو تجربوها بدونو وهنا والف عافية
ماتنسو تدعولي بالبركة وبحبكم قد الدنيا
ملاحظة يا طبوشاتي النودلز ممكن تضيفولها الذرة او الفطر او الكاجو بس الحجي مابحب هالاضافات فاضطريت اختصرهم حفاظاً على الأمن القومي لمنزلي الحبيب ههههههههه
