حلويات بلورية بيتيه بالمكسرات بأقل التكاليف رووعه والطعم خيال سلسله وصفات من فرني 1
حلويات بلورية بيتيه بالمكسرات بأقل التكاليف رووعه والطعم خيال سلسله وصفات من فرني 1
حلويات بلورية بيتيه بالمكسرات بأقل التكاليف رووعه والطعم خيال سلسله وصفات من فرني 1
المقادير
- نص كيلو عجينه كنافه
- كوب سمنه دافيه
- نص كيلو مكسرات مجروشه خشن ومخلوطه مع نص كوب قطر بارد ثقيل القوام
- 2 كوب قطر بارد وثقيل القوام لتسقيه البلوريه
- القطر:
- سكر
- مي
- ليمون
الخطوات
بسم الله نبدا
بالبدايه بنفكك عجينه الكنافه عن بعض و بنفركها منيح بكوب السمنه الدافيه
وبنحضر صينيه الفرن وبندهنها سمنه وبعد هيك بنصف اول طبقه من شعر الكنافه بالصينيه وبنرصها بالتساوي منيح وبعد هيك بنصف طبقه المكسرات الي بنكون خالطينها مع نص كوب قطر ثقيل القوام وبنرصو بالتساوي فوق طبقه الكنافه وبعد هيك بنرجع بنرص الطبقه الثانيه من شعر او عجينه الكنافه وبنفردو وبنرصو بالتساويه وبنحط فوقهم اي اشي ثقيل لحتى يتماسكو منيح اقل اشي بدنا اربع خمس ساعات ومن الافضل نترك ثقاله عليهم ليله كامله
انا استخدمت كيلوات السكر حطيت نايلون غذائي ملامس لعجينه الكنافه وبعدها حطيت كيلوات السكر لترصهم منيح بتقدري تحطي اي ثقاله عندك وبعد هيك بنخبزها بالفرن مده نص ساعه عنار هاديه جدا تقريبا على درجه 180 المهم ما بنخليها تتحمر وخصوصي من الوجه لازم يضل لونها اشقر وبعد منطلعها من الفرن بنسقيها بالقطر البارد وبنتركها تبرد تماما وبعد هيك بنقطعها حسب الرغبه وتقدم والف صحه وهناا ان شاء الله تجربوها وتعجبكم
مقدار عمل القطر كل كاستين سكر كاسه مي وعصره ليمونه بنتركهم يغلو لمده عشر دقائق
تحياتي الكم جميعا رشا ام احمد
