مقلوزي!!!!
مقلوزي!!!!
المقادير
- دجاج مقطع
- ارز بسمتي
- ارز متوسط الحبة
- بهارات اوزي
- كاري وكركم
- بهارات دجاج
- ورق غار
- ملح
- فلفل
- ماجي
- خضار
- بازيلاء
- جزر
- بصل
- ثوم
- زيت ذرة
- للزينة:
- لوز
الخطوات
مقلوزي!
السلام عليكم ورحمة الله وبركاته
طبعا مستغربين هالاسم ! معكم حق لإنه من اختراعي حبيت اعمل اوزي بس ماكان وقت كفاية اشوي الدجاج بالفرن فعملته على طريقة المقلوبة مع بهارات وارز الاوزي فصار عندي مقلوبة+ اوزي = مقلوزي ههههههه
أولاً/ الدجاج
سلقت الدجاج مع بصل وبهارات اوزي وملح وفلفل وكركم وكاري وورق غار لحتى استوى صفيته وقليته زي دجاج المقلوبة.
— الأصل بالاوزي يتبل الدجاج بالبهارات وزيت وخل وصلصة بندورة وينشوى بالفرن ويتقدم على وجه الارز.
ثانياً/ الارز
بما انها صارت مقلوزي استخدمت نص كيلو ارز حبة متوسطة ونص كيلو ارز بسمتي وخلطتهم سوا وبننقعه.
— بنقلب بصل بزيت ذرة وبنضيف ثوم والبهارات نفسها بنحمصها بالزيت لحتى تفوح ريحتها بنضيف كيس بازيلاء وجزر وبنقلبه وبنزيده شوية مي بتغلي وبنتركه يستوي على نار خفيفة.
— بس يستوي البازيلاء والجزر بنرتب الدجاج فوقها وبنزل الارز المصفى وبنضيف مرقة الدجاج اللي عنا بعد مانزبط ملحها وبهاراتها وبنخليها تستوي على مهلها زي المقلوبة بالضبط، بس بنزيد المرقة شوي عالرز لانه في رز بسمتي.
ثالثاً/ التقديم
بس تتنشف المقلوزي بنخليها تهدى عشر دقائق وبنقلبها زي المقلوبة وعنجد انها روعة منظرها وريحتها وطعمها هيك خلطة خرافيه وزينيها باللوز المقلي مع سلطات ولبن وصحة وهنا.
