طريقة عمل البامية باللحمة فى الفرن

المقادير

• لحمه نص كيلو
• باميه
• بصله وسط مبشوره
• عصير ٢ طماطم كبار
• معلقتين كبار صلصه
• ملح
• فلفل أسود
• كسبرة ناشفه معلقه صغيره
• سكر معلقة صغيره
• توم مفروم

الخطوات

طاجن البامية باللحمه فى الفرن المكونات لحمه نص كيلو باميه بصله وسط مبشوره عصير ٢ طماطم كبار معلقتين كبار صلصه ملح وفلفل أسود كسبرة ناشفه معلقه صغيره سكر معلقة صغيره توم مفروم الطريقه أولا نشوح اللحمه ونسلقها حتى تمام النضج ثانيا فى حله على النار نحط معلقتين كبار زيت ومعلقة سمنه وننزل عليهم بالبصل ونشوح لحد اللون الدهبى وباعدين نضيف الطماطم والصلصه والتوابل والسكر ونقلبهم ونسيبهم يتسبكوا على نار هاديه ثالثا نطلع اللحمه من الشوربه بعد ماستوت ونضيفها للصلصه اللى اتسبكت ونضيف الباميه ومعلقه التوم وكبشه من الشوربه ونقلبهم مع بعد ونسيبهم لحد ماالباميه تستوى اخر حاجه نجهز الطاجن بتاعنا وننزل فيه الباميه وندخل الطاجن الفرن تحت الشوايه لحد ماياخد لون حلو انا قدمته مع الرز المعمر تقدروا تقدموه مع رز عادى أو عيش وبالهنا والشفا فيديو الوصفه بالتفصيل على قناتى على اليوتيوب ✔✔ إسم قناتى أحلى واسهل مع ساره Best and easiest with sara