دوالي ورق عنب من أطيب ما يكون
دوالي ورق عنب من أطيب ما يكون
المقادير
- نصف كيلو دوالي
- كيلو ارز متوسط الحبة
- لحمة مفرومة خشنة اختياري للحشوة
- لحمة بالعظم او دجاج لتحت الدوالي
- بصل
- ثوم
- شرحات بندورة
- ليمون
- بهارات دجاج
- كاري
- ماجي
- ملح
- فلفل
- زيت ذرة
الخطوات
دوالي من اطيب ما يكون
السلام عليكم ورحمة الله وبركاته
أولاً/ اللحمة او الدجاج
اذا قررنا نحط لحمة او دجاج تحت الدوالي لازم نقلبهم بزيت وبهارات على نار عاليه عالغاز لحتى يتشمعوا وياخدوا لون ونكهه وبنصحك تقلبيه بنفس الطنجرة يلي رح تطبخي فيها الدوالي لانه كل النكهات رح تنسجم سوا وتعطيكي اقصى حد من الطعم.
بترتبي بقعر الطنجرة شرحات بصل وبندورة وليمون واللحمة.
ثانياً/ سلق الورق
لسلق الورق بضيف ملعقتين زيت زيتون لمية السلق بعطيها لمعه حلوة. وما تخليها تطول بس تغيير لون.
ثالثاً/ الحشوة
ما استخدمت لحمة للحشوة بس رز منقوع مع ملح وفلفل وماجي وبهاراتك المفضلة وكثريها شوي مثل الكاري وبهارات المحاشي وبهارات دجاج ، اضافة بصل وثوم مفروم ناعم للحشوة بعطيها طعم خرافي.
رابعاً/ الطبخ
بعد مانكمل لف الدوالي بنرتبهم بالطنجرة وبنغمرهم بمي بتغلي عليها ملح او ماجي مع رشة كركم وزيت وبعد ما تغلي بربع ساعة بنوطي الغاز وبنخليها مغطية تطبخ براحتها ساعتين ، وبعد الاستواء اطفي الغاز واتركيها تتشرب وتهدا عشر دقايق وقدميها وصحة وهنا.
