دجاج مشوي مع ارز مبهر

المقادير

• دجاجة كاملة
• كيلو ارز بسمتي
• بازيلاء
• جزر
• فليفلة حلوة
• فليفلة حارة
• لبن رايب
• بصل
• ثوم
• ليمون
• بهارات كاري
• بهارات دجاج
• شطة مجروشة
• صلصة بندورة
• زيت زيتون
• خل

الخطوات

الدجاج المشوي مع الأرز المبهر

السلام عليكم ورحمة الله وبركاته

أولاً/ تتبيل الدجاج

بنجهز دجاجة كاملة وبنظفها مزبوط من الداخل والخارج وبنتبلها لعدة ساعات او من قبل بيوم ب

ملح وفلفل وزيت الزيتون وخل وبهارات كاري وشطة مجروشة وبهارات دجاج وصلصة بندورة وكنور بودرة وبنتبل الدجاجة مزبوط .

ثانياً/ الشوي

بنقطع بصل وبندورة ونصف ليمونة وبنحطهم في الكيس الحراري ما حبيت احط خضار زيادة لانه الارز معه خضار وبنتبلهم برضه بملح وفلفل وزيت وبنحط الدجاجة فوقهم وبنسكر الكيس وعالفرن اول نص ساعة على اعلى حرارة وبعدين بنوطي الفرن عالاخر لمدة ساعة ونص.

وبس نطلعها من الفرن بندهنها من الخلاصة اللي تحتها من صوص ودهن الدجاجة لتعطيها لون ولمعه رائعه.

ثالثاً/ الأرز المبهر

بنحضر بصل وثوم مفرومين وفلفل حر وحلو وبنقلبهم في زيت ذرة مع البهارات نفسها المستخدمة للدجاجة وبنضيف ملعقتين لبن رايب وبس يختلط ويختفي بنضيف البازيلاء والجزر وبنتركه يستوي وبعد الاستواء بنضيف الارز البسمتي المنقوع وبنقلبه معهم وبنضيف مي مغلية وبنكمل طبخة كالعادة بس تتنشف ميته بنوطيه لثلث ساعة.

رابعاً/التقديم

بيتقدم الارز المبهر وفوقه الدجاجة وبتزينيه باللوز وصحة وهنا.