الشابورة الأمورة أو اليانسونية وصفة لذييييذة بمكونات متوفرة بكل بيت سلسلة وصفاتي لرمضان 5
الشابورة الأمورة أو اليانسونية وصفة لذييييذة بمكونات متوفرة بكل بيت سلسلة وصفاتي لرمضان 5
الشابورة الأمورة أو اليانسونية وصفة لذييييذة بمكونات متوفرة بكل بيت سلسلة وصفاتي لرمضان 5
المقادير
- حبتين بيض
- نصف كوب سكر او اكثر حسب الرغبة
- نصف كوب زيت
- باكيت فانيليا
- باكيت بيكينغ باودر
- ملعقة كبيرة يانسون
- ملعقة صغيرة حبة البركة
- نصف ملعقة صغيرة هيل مطحون
- كوب وربع طحين وممكن أكثر حسب نوع الطحين بس لازم نعرف انو قوام الشابورة سميك أكتر من الكيك
- سمسم للتزيين اذا حبيتو
الخطوات
☆بسم الله الرحمن الرحيم☆
أول شي منخفق البيض مع السكر والفانيليا والزيت منييييييح بعدين منضيف البهارات والطحين والبيكينغ باودر ورشة ملح ومنخلطهم تمام والمزيج لازم يكون سميك يعني مو متل الكيك ومنصبهم بقالب مبطن ومندخلهم الفرن المحمى مسبقاً على درجة حرارة 180 لحتى يستوي منختبرو بعود وبس نطالعو اذا حبيتو استنوه ليبرد تماماً بس اذا بصلتكم محروقة متل محسوبتكم ومابتعرفو تستنو قطعوه بهدوء لأصابع مربعة متل مو واضح بالصورة صفوهم بصينية الفرن وقلبوهم عالجهة اللي مو محمرة يعني لحتى يكون محمر من كل الجوانب لأنو هي الأكلة متميزة بقرمشتها
ورجعو دخلوها الفرن شوياية بس لتتحمر ولما نطالعهم ويبردو منتركهم هيك بدون تغطاية كم ساعة لينشفو أكتر وهي هية وصفتنا الكتكوتة ههههه
أهم شي ماتنسو كاسة الشاي او تنسو تعزموني طبعاً ههههه
بحبكم كتير وبتمنى تجربوها وتدعولي بالبركة يا أميرات
