طريقة عمل السينابون سلسلة حلوياتي برمضان 2

المقادير

• 4 كاسات طحين
• 1 كاسة ماء دافئ أو حسب حاجة الطحين
• ربع كاسة زيت نباتي
• 2 م ك خميرة ( تذوب مع كاسة الماء الدافئ )
• ربع معلقة ملح
• 4م ك سكر بودرة
• 2 م ك حليب
• ملعقة زبدة لينة (مليانه)

الخطوات

أول اشي بعتذر منكم كثيير وصفة السينابون الأولى فيها خلل وعدلت الخلل وان شاء الله ما راح يتكرر .

تعجن جميع المقادير مع بعض لمدة 10 دقايق تقريباً وبعدين نتركها تتخمر نص ساعة وبعد ما تخمرت نفردها بالشوبك ع شكل دائرة وندهنها بزبدة ذائبه ونرشها بالحشوة ( اذا عندك شوكولاته جاهزة حطي مع الحشوه واذا ما في عاااادي) وبعدين نلفها رول ونقطعها باستخدام الخيط ندهن صنية البايركس بالزبدة ونضع قطع السينابون ونتركها تتخمر ربع ساعة وبعدين ندخلها ع فرن حامي درجة 180 تقريباً تأخذ معك 35 دقيقة من تحت وبعدين نحمرها من فوق شوي.

التزيين : علبة حليب مكثف محلى مع 6 حبات جبنة بالخلاط ونخلطهم وهيك يكون الصوص جاهز بس تطلع من الفرن اخليها تبرد شوي وبعدين ازينها بالحليب والشوكولاته أما هرشي سائلة أو نوتيلا وجوز وصحتييين ع قلوبكم.

وبعتذر مره ثانيه ع الخلل اللي صار بالوصفة الأولى ♥