بان كيك بوبس
بان كيك بوبس
المقادير
- بيضه
- معلقه صغيره فانيليا سايله او بودر
- معلقتين كبار سكر
- ربع كوب زيت
- كوب لبن
- كوب دقيق
- معلقه كبيره نشا
- معلقه صغيره BP
- للتزين:
- فواكه
- فراولة
- موز
- شيكولاته
- زبده لوتس
الخطوات
فى بوله نخلط البيض والفانليا والسكر بالمضرب اليدوى ثم ننزل عليهم بالزيت ونخلط ثم اللبن ونخلط ثم ننخل الدقيق والبيكنج بودر والنشا مع بعض ونضيفهم للخليط ونضرب بالمضرب اليدوى لحد مايكون عندنا مزيج ناعم ويكون جاهز على النار هنحط الطاسه الخاصه بالبان كيك الصغير وهنزل فيها خليط الكيك لحد نص الدايره وهحشى شيكولاته دهن معلقه صغيره اوى وباعدين اغطى بالخليط تانى واول ماتفصل عن الطاسه اقلبها على الوش التانى يدوب تتشمع واطلعها بعد ماخلصت الكميه المحشيه شيكولاته عملت كميه تانيه ساده خلصنا نيجى بقى للتزيين جبت اعواد الكيك بوبس وبدأت احط فراولايه و تحتها شريحه موز واخر حاجه واحده من البان كيك المحشى شيكولاته عملت نوع تانى حطيت واحدة بان كيك ساده ودهنتها شيكولاته وباعدين شريحه موز وباعدين واحده بان كيك ساده دهنتها شيكولاته برده بيبقى شكلها شبه المينى برجر عملت نوع تالت زى التانى بس دهنت البان كيك زبده اللوتس وبنقدمه مع صوص شيكولاته عملناه قبل كده مع بعض وموجود بالفيديو على اليوتيوب وبالهنا والشفا ينفع تعملوه فى عيد الحب او عيد ميلاد او مناسبه عندكم شكله شيك وحلو اوى فيديو الوصفه بالتفصيل على قناتى على اليوتيوب إسم قناتى أحلى واسهل مع ساره Best and easiest with sara
