طريقة البسبوسه بالقشطه سلسة حلوياتي برمضان 4

المقادير

• بيضتين
• 1 م ص فانيلا
• 1 م ك بيكنج باودر
• كوب لبن
• كوب سميد ناعم
• نص كوب جوز هند
• نص كوب سكر
• نص كوب زيت نباتي

الخطوات

تخلطيهم كلهم مع بعض بالمضرب اليدوي وتصبيهم بصنية بايركس مدهونة طحينيه وتدخليهم الفرن ع درجة 180 تأخذ معك تقريباً من 30-35 دقيقة وبعدين حمري الوجه وأول ما تطلع من الفرن خزقيها بالشوكة وشربيها بالقطر.

القطر : كاستين ونص سكر وكاستين مي وعصرة ليمون مع بعض ع النار ليغلوا ربع ساعة تقريبا وبعدين نتركه يبرد عالاخر.

للقشطة :

كوبين وربع حليب ( كل كوب مي حطي عليه ملعقتين كبار حليب بودرة )

ربع كوب سكر

نص كوب نشأ

بنذوبهم مع بعض ع البارد وبعدين ع نار واطيه بتضلك تحركيه لما يثقل القوام وبتشيليه عن النار وبنحط عليه باكيتين قشطة قيمر وبتحركيهم وبتديريها وهي ساخنه ع البسبوسة وتزبطي الوجه بالسباتولا أو الملعقة وبتغلفيها بنايلون ملامس للقشطة عشان الوجه يكون ناعم وبتتركيها تبرد من ساعتين إلى ثلاث بالثلاجة وبعدين بتزينيهاا وصحتييييييييين وعافية 🙂 .