كيف اعمل كيك شوكولاته على الغاز
كيف اعمل كيك شوكولاته على الغاز
المقادير
- 3 بيض بدرجة حرارة الغرفة
- رشة ملح
- كاسة الا ربع سكر
- كاسة الاربع حليب
- نصف كاسة زيت نباتي
- ملعقة كبيرة بيكنغ باودر
- ملعقة فانيلا
- كاسة ونص طحين
- 2 ملعقة كبيرة كاكاو
- للتزيين:
- مغلفين دريم ويب
- نص كاسة حليب بارد
- كاكاو حسب الرغبة
الخطوات
بسم الله الرحمن الرحيم
اول اشي بنخلط المواد الناشفه مع بعض وبنتركهم عجنب بعدين بنجيب جاط بنخفق فيه البيض والسكر والفانيلا حتى يصير لون الخليط اصفر فاتح بنضيف الزيت وبنرجع نخفق وبالتدريج بنحط من خليط المواد الجافة والحليب حتى نخلص الكمية بنقسمهم على 3صحون حتى يطلعو بالتساوي
وبنجيب مقلاة غير لاصقة وبندهنها شوية زيت وبنصب اول قسم من الخليط والنار لازم تكون اقوى من الشمعة بشوي وبنغطيها لمدة 5دقائق وبشوف ازا استوت بنقلبها عالوجه التاني دقيقة وحدة بس وهيك لنخلص بنخليه يبردو وبنحضر قطر خفيف عبارة عن ربع كاسة سكر ونص كاسة مي وفانيلا بنغليهم خمس دقايق وبس يبردو بنسقي الكيكة وبندهن كريمة بالوسط وعالوجه وبنزين بصوص الشوكولا ولازم نحطها بالتلاجة لتتماسك وصحة وهنا
