أروع فطاير سبانخ بطريقة مميزة مارح تنسوها لو جربتوها من “سلسلة وصفاتي لرمضان” ♡6♡
أروع فطاير سبانخ بطريقة مميزة مارح تنسوها لو جربتوها من سلسلة وصفاتي لرمضان 6
أروع فطاير سبانخ بطريقة مميزة مارح تنسوها لو جربتوها من “سلسلة وصفاتي لرمضان” ♡6♡
المقادير
- للعجينة:
- ملعقتين كبار سكر
- ملعقة كبيرة خميرة فورية
- كوب ماء دافئ
- ثلاث أرباع كوب حليب دافئ
- ملعقة كبيرة ونصف لبن
- ثلث كوب زيت
- نصف ملعقة كبيرة بيكينغ باودر
- نصف ملعقة كبيرة ملح
- حوالي 4 كوب طحين (حسب الحاجة ونوع الطحين)
- لحشوة السبانخ :
- كيلو سبانخ
- 4 بصلات مفرومين ناعم
- عصير نصف ليمونة كبيرة
- حوالي ثلث كوب دبس رمان او اكثر حسب كثافة الدبس
- ملعقة صغيرة دبس فليفلة
- ملح وفلفل أسود وفليفلة حمرا يابسة
- كمية وفيرة من زيت الزيتون
الخطوات
☆بسم الله الرحمن الرحيم☆
للعجينة:
أول شي منحط الماء الدافئ والحليب والسكر والخميرة ومنخلطهم ليدوبو السكر والخميرة منضيف كوب ونصف طحين ومنخلطهم منيح ليمتزجو ومنغطيهم ومنتركهم ربع ساعة ليرتاحو وتتفاعل الخميرة منضيف الزيت واللبن ومنخلطهم ومنرجع نصيف وراهم البيكينغ باودر والملح والطحين بالتدريج لنحصل على عجينة طرية وملمومة على بعضا ومنعجنها حوالي عشر دقايق ومنرجع نغطيها ومنريحها ربع ساعة وبتصير جاهزة للشغل..
اما السباااانخ فبعد ما نغسلو ويتصفى من المي منقطعو خشن شوي ومنرش عليه كمية من الملح ومنتركو حوالي ساعتين تلاتة يرتخى شوي بعدين منبلش ندعكو شوي ونعصرو منيح من المي اللي رح ينزلها بسبب الملح متل مو شايفين مية السبانخ بالصينية يعني مالازم تخلو فيه مي ومنحطو بوعاء هلا بقى منقلي البصل بكمية وفيرة من زيت الزيتون وبس يدبل منحطو فوق السبانخ هو وسخن مع زيتاتو ومنحركهم منيح مع بعض ليرتخي السبانخ من سخونة البصل والزيت ومنضيف الدبس وعصير الليمون ودبس الفليفلة ورشة فليفلة حمرا وفلفل أسود وملح حسب الرغبة ومنخلطهم منيح ومنستناهم ليبردو عالاخير منصفيهم من ميتهم ومنشتغل فيهم
وهيك منحتفظ قدر الامكان بطعم السبانخ وفائدتو لأنو ما انطبخ..
أما باقي الصور للبيتزا والفطاير فحبيت ضيفهم لأني عملتهم بنفس العجينة يعني كترة غلبة ههههه
بتمنى تجربوها وتعجبكم وتدعولي بالبركة يا ورداتي اللي منورين حياتي
بحبكم كتييييير أنا♡
