بروستد ولا أروع
بروستد ولا أروع
المقادير
- دجاجتين مقطعات ومنظفات
- هاااااااي خلطة السوائل:
- بيضة
- معلقة صغيرة ثوم بودرة
- معلقة صغيرة بصل بودرة
- معلقة صغيرة كاري
- معلقة صغيرة بابريكا
- معلقة صغيرة بهارات الدجاج
- ماجي بودرة باكيت
- معلقتين كبار خل ابيض
- معلقتين كبار لبن
- رشة فلفل اسمر
- معلقتين كبار عصير ليمون
- كاسة صغيرة حليب سائل
- اما بالنسبة لخلطة النواشف:
- ٢ كوب طحين
- ٢ معلقة كبيرة نشا
- باكيت ماجي
- معلقة صغيرة بصل بودرة
- معلقة صغيرة كاري
- معلقة صغيرة ثوم بودرة
- ٤ حبات كعك غير محلى
- ملح
- رشة فلفل اسمر
الخطوات
اول شي منحط خلطة السوائل الي ذكرناها فوق ومنحط الدجاج فيها ومنخليهم منقوعين شي ٣ او ٤ ساعات بعدين منجيب خلطة النواشف ومنطلع الدجاج من السوائل ومنحطو ع الطحين ومنغطي منيح لحتى تصير طبقة ( طبعأ نسيت احكيلكم الكعك مندقو بس مو كتير ولا منخلي خشن كتير يعني وسط ) بعدين منشيلهم من لطحين ومنتركهم ع جنب يرتاحو ومنكون حاطين الزيت الغزير ع الغاز وتاركينو حتى يحمى مزبووووووووط وهاي نقطة مهمة وسبب في نجاح لبروستد بعدين منحط قطع الدجاج ومنغطيهم ومنتركهم شي عشر دقائق بعدين منقلهم ومنتركهم شي ٥ دقائق ومنشيلهم ومنحطهم ع ورق المطبخ حتى أي زوائد من الزيت تروح
وبتقدمو جنبها الكاتشاب والمايونيز
وريتوووووووووو عوووووووووووافي
جربوووووها كتييييييير لزيزة
وللتنويه فقط …… هاي وصفة وحدة من الأخوات بس انا عدلت عليها شي بسيط نزلتها زمااااااان قبل شي سنة والله مو متزكرة اسمها لهيك انا سجلتها عندي ع الدفتر لأنو قعد فترة برنامج زاكي مو موجود عندي على كل حال الله يجزيها الخير صاحبة الوصفة مين ما تكون تكون
