حلى النجمه بالسميد سهل وسريع والطعم روعه
حلى النجمه بالسميد سهل وسريع والطعم روعه
المقادير
- كوبين سميد ناعم
- كوبين طحين
- نص كوب زيت
- معلقة صغيره بكنج باودر
- رشة ملح
- معلقتين صغار سكر
- معلقة خميره صغيره
- كوب ونص تقريباحليب دافي
- قطر
- للحشوه :
- جبنه قطايف حلوه
- للقلي:
- زيت
الخطوات
يسعد مسااكم ..اليوم راح اقدملكم حلو سهل وسريع والطعم لذييييذ …ان شاء الله بعجبكم
ويلاااا مع شرح الطريقه
& بنضع المواد الجافه اولا كوبين سميد ناعم وكوبين طحين رشة ملح والبكنج باودر بنخلطهم سواا .
& بنضع الزيت وبنحركهم وبعدين بنفركهم مزبوط بأيدنا لحتى يتشرب الزيت مثل عملية البس
وبعد هيك بنضيف الخميره والسكر وبنبلش بأضافة الحليب تدريجيا خلال العجن لحتى يتكون عندي عجينه طريه ..ممكن تحتاجي من كوب ونص لكوبين الا ربع حسب نوع الطحين ..
انا استخدمت كوب ونص
& بنتركها تختمر لمدة سااعه ..
بنفردها وبنقطعها دوائر وبنوزع عليها الجبنه …الجبنه نقعتها بمي ساخنه وبعدين صفيتها وفتيتها
وممكن تحشيها جبنة مثلثات ..أو عكاوي او
جوز مطحون ..استخدمت جبنة قطايف
& الشكيل .. بناخذ اول طرفين يلي قبال بعض بنشدهم وبعد هيك بنشد الطرفين الثانيات وبنضغط عليها مزبوط لحتى يتشكل معنا الشكل المطلوب ..
& القلي ..بنقليهم بزيت حامي وغزير عالنار وسط ..بده انتباه لانه هالسريع باخذ لون
بعد ما اطلعه من القلي وهو ساخن بنضعه بقطر بارد ..وبعدين بنطلعه من القطر عالتقديم
& العجينه يلي زادت من بعد تقطيع الدوائر قطعتها ولفيتها وقليتها كمان طعمها زاكي بدون حشوه
& حاولت اوضحلكم الطريقه بالصور بالخطوات
وكتبت الطريقه مع الصور ..
وصحه وعافيه
دمتم بكل خير
