بسبوسة الشوكلاته سلسله وصفات من فرني 8
بسبوسة الشوكلاته سلسله وصفات من فرني 8
المقادير
- كوب ونص سميد
- معلقتين كبار طحين
- بيضتين كبار بدرجه حراره الغرفه
- كوب حليب
- كوب الا ربع زيت
- معلقتين صغار فانيلا
- معلقتين صغار بيكنج باودر
- معلقتين كبار كاكاو باودر
- معلقه صغيره خل
- معلقه صغيره عصير ليمون
- رشه ملح
- ثلاث معالق كبار سكر
- مقادير مهلبيه الشوكولاه:
- 4 كوب حليب
- معلقتين كبار نشا
- معلقتين كبار طحين
- معلقه صغيره فانيلا
- ربع كوب سكر
- معلقه كبيره زبده
- معلقتين كبار كاكاو بودره
- مقادير القطر:
- كاسه ونص سكر
- كاسه ونص مي
- عصره ليمونه
الخطوات
بسم الله نبدا
بالبدايه بنخفق البيض والسكر والفانيلا والخل وعصير البيممون وبعدين بنضيفلهم الحليب والزيت وبنستمر بالخفق وبنبلش نضيف السميد
والطحين الي بنكون ناخلينو مع البيكنج باودر والكاكاو وبنضيفهم على خليط البيض وبنخلطهم لما يمتزجو منيح ويتجانس الخليط بندير الخليط بصينيه فرن مدهونه طحينه وبنفوتها على فرن محمى لمده عشرين دقيقه تقريبا واكيد على حسب الفرن الموجود عنا على درجه 180 على نار هاديه ولما تستوي بنشربها بالقطر البارد تماما وهيه سخنه وبنتركها تبرد منيح وبنجهز مهلبيه الشوكولاه بنخلط جميع المقادير منيح على البارد ما عدا الزبده وبنحطهم على الغاز مع استمرار التحريك لما يشتد الخليط ويتماسك بنطفي الغاز وبنضيف الزبده وبنحركها معهم وبندير المهلبيه فوق صينيه البسبوسه وبنفردها بالتساوي بمعلقه. وبنزينها بخطوط كريمه سائله او اي اشي انتو بتحبوه الخيار لالكم اكيد وبتتركوها تبرد وبتقدموها
ملاحضه بتقدرو تحطو علب دانيت شوكولاه جاهزه فوق البسبوسه اذا مستعجلين او اذا حابين يطلع شكل الخطوط ارتب واحلا
الصور الاولى لبسبوسه عليها دانيت شوكولاه
والصور الي تحت عليهم مهلبيه الشوكولاه. والي بيسال عن الطعم الاطيب بالمهلبيه طلعت اطيب كثير من علب الدانيت الجاهز بس متل مبتشوفو المنظر الارتب لصينيه البسبوسه بالدانيت وانتو اختارو الافضل والاسهل وان شاء الله تجربوها وتعجبكم
القطر كاسه ونص سكر وكاسه ونص مي وعصره ليمونه بتىكهم يغلو عشر دقايق وبنتركهم يبردو
تحياتي الكم جميعا رشا ام احمد
بتمنى الوصفه تعجبكم وتضيفوها للمفضله
لا تنسوني من فضل دعواتكم الحلوه
❤❤❤
