كيكة قلب الرينبو
كيكة قلب الرينبو
المقادير
- خليط كيكة الفانيلا
- 4 بيض
- 2.5 كوب طحين
- كوب حليب سائل
- م.ك فانيلا وم.ص خل
- كوب زيت ذرة
- كوب ونصف سكر
- مقادير كيك الشوكولا
- نفس المقادير السابقة مع استبدال نصف كوب طحين بنصف كوب كاكاو
- الوان غذائية
- صوص شوكولا للتزيين
الخطوات
كيكة قلب الرينبو
السلام عليكم ورحمة الله وبركاته
كيكة عادية جدا ولكن الفرق بشكلها انه غني بالالوان وبالمفاجأة اللي بداخل الكيكة خلينا نشوف الطريقة
أولاً/ كيكة الرينبو
—بنعمل خليط كيك فانيلا عادي بالطريقة المعتادة وموجود بملفي الكيكة اليومية .
— بنقسم الخليط ل6 اقسام وبنلونهم بالوان غذائية اي نوع. وبنحطهم بأكياس تفريز عشان سهولة الشغل.
—بنصير نحط من خليط الكيك الملون بصينية فرن واسعه على شكل خطوط مرتبة جنب بعض .
—بنخبزها بفرن محمي على 180 ربع ساعة وبنختبرها.
—بعد الاستواء بنتركها تبرد وبعدين بنبردها بالفريزر .
—بعد التبريد بنقطع منها بقطاعة على شكل قلب وبنخلي قطع القلوب جاهزة بالثلاجة لحتى نعمل كيكة الشوكولا.
ثانياً/ كيكة الشوكولا
بنعمل خليط كيكة شوكولا نفس كيكة الفانيلا بس بنبدل نصف كوب طحين وبنحط بداله نصف كوب كاكاو.
—بنحط شوي منه بقالب الكيك يعني بس يتغطى قعر القالب مابدنا نكثر، وبنخبزه بالفرن 5—7 دقائق على 180 وبنطلعه.
—بنحط على الكيك اللي انخبز شوية خليط كيك ني بس مسحة وبنرتب قلوب الرينبو عليه بالمقلوب يعني القلب رأسه لتحت وبنرتبهم جنب بعض.
—بنصب باقي خليط الكيك كله على القلوب وبنخبزه بفرن محمي على 180 لمدة 35 دقيقة وبتختبريه.
ثالثاً/ التقديم
بس يجهز الكيك بنتركه يهدى ربع ساعة قبل ما نقلبه وبنكون مجهزين صوص شوكولا ونزلت طريقته (بديل نوتيلا) وبعد ماتبرد الكيكة بنزينها بالشوكولا وممكن فتات من الكيك الرينبو اللي بزيد من القلوب .
—لما تنقسم الكيكة رح يظهر منها القلب الملون بشكل جميل جدا وملفت للنظر قدميه لحبايبك والف صحة وهنا.
